मालकाला रात्री लागला डोळा; चोरट्याने दहा शेळ्या पळविल्या

याबाबत बार्शी तालुका पोलिसात अज्ञात चोरट्याविरुद्ध गुन्हा दाखल झाला आहे. पुढील तपास पोलीस हेडकॉन्स्टेबल दशरथ बोबडे हे करीत आहेत.

शीतलकुमार कांबळे
कुसळंब (सोलापूर) : धानोरे येरमाळा राज्य मार्गावर लगत असलेली गट नंबर २८ मधील गोठ्यात बांधलेल्या दहा शेळ्या चोरट्याने चोरून नेल्या. याबाबत बार्शी तालुका पोलिसात गुन्हा दाखल करण्यात आला आहे.

शिवाजी वसुदेव गोरे ( वय ५० रा.धानोरे ता. बार्शी) यांनी फिर्यादीत म्हटले आहे, की धानोरे ते येरमाळा राज्य मार्गालगत कुसळंब पाण्याच्या टाकीजवळ धानोरे शिवारातील गट नं. २८ मधील शेतीला जोडधंदा शेळ्या पालनाचा व्यवसाय करत होते. नेहमीप्रमाणे गोठ्यात शेळ्या बांधल्या होत्या. याठिकाणी मुलगा संदिप गोरे व श्रीमंत लावंड झोपले होते. रात्रीच्या दहा वाजेच्या सुमारास दोघे ही झोपले असता अज्ञात चोरट्याने पाच शेळ्या, दोन बोकड व लहान पिल्ले तीन असा ४५ हजार रूपये किंमतीच्या आठ शेळ्या चोरून नेल्या. याबाबत बार्शी तालुका पोलिसात अज्ञात चोरट्याविरुद्ध गुन्हा दाखल झाला आहे. पुढील तपास पोलीस हेडकॉन्स्टेबल दशरथ बोबडे हे करीत आहेत.