कुत्रा आडवा आला.. दुचाकी घसरली; रस्त्यावर पडून चिमुकला जखमी
By विलास जळकोटकर | Published: September 12, 2023 05:08 PM2023-09-12T17:08:22+5:302023-09-12T17:08:47+5:30
यामध्ये दुचाकीवर बसलेला संकेत हा चिमुकला रस्त्यावर पडल्याने त्याला मुका मार लागला.
कुत्रा आडवा आला.. दुचाकी घसरली; रस्त्यावर पडून चिमुकला जखमी
Next सोलापूर : गेल्या काही दिवसांसांनी वाहनांच्या धडकेतून होणाऱ्या अपघाताबरोबरच कुत्रे आडवे येण्यानंही अपघात होऊ लागले आहेत. मंगळवारी दुपारी कुत्रा आडवा आल्यानं दुचाकी घसरुन पडली. यात दुचाकीवर बसलेला चार वर्षाचा चिमुकला रस्त्यावर पडून जखमी झाला.
औज गावाजवळ हा अपघात झाला. संकेत सूर्यकांत राठोड (वय ४, रा. साईबाबा चौक, सोलापूर) असे जखमी मुलाचे नाव आहे.
यातील जखमी संकेत हा सुनील धनराज राठोड यांच्यासोबत दुचाकीवर बसून जेऊर होटगी गावाकडे चालला होता. औज गावाजवळ त्यांच्या दुचाकीसमोरुन कुत्रा आडवा आला. यामध्ये दुचाकीवर बसलेला संकेत हा चिमुकला रस्त्यावर पडल्याने त्याला मुका मार लागला. त्याच्या वडिलांनी उपचारासाठी शासकीय रुग्णालयात दाखल केले आहे. सव्हिल पोलीस चौकीत या घटनेची नोंद करण्यात आली आहे.