बाहेर जाऊन येते म्हणून गेलेल्या दोघी, अल्पवयीन घरी परत आल्याच नाहीत

सोलापूर : शहरातील वेगवेगळ्या ठिकाणी राहणाऱ्या दोन अल्पवयीन मुलींपैकी एक बाहेर जाते म्हणून गेली. दुसरी मैत्रिणीकडे जाण्याचे कारण सांगून गेल्या त्या परत आल्याच नाहीत. आपल्या मुलींना कोणीतरी फूस लावून पळवून नेल्याच्या तक्रारी दोघी आईंनी विजापूर नाका पोलीस ठाण्यात धाव घेऊन केल्या. या प्रकरणी बुधवारी भा. दं. वि. ३६३ अन्वये अपहरणाचा गुन्हा नोंदला आहे.

शहरातील एका भागामध्ये दोन्ही कुटुंब वास्तव्यास आहे. यातील एकीचं वय १६ महिने ४ महिने १७ दिवस आहे. ती सोमवारी दुपारी १२ च्या सुमारस मैत्रिणीकडे जाऊन येते म्हणून घराबाहेर पडली. संध्याकाळ झालीतरी मुलगी परत आली नाही म्हणून आई काळजी पडली. मैत्रिणीकडे, नातलगांकडे चौकशी करुनही ती मिळून आली नाही. अखेर पिडित मुलीच्या आईने आपल्या अल्पवयीन मुलीला कोणीतरी फूस लावून पळवून नेल्याचे तक्रारीत नमूद केले आहे.

दुसऱ्या घटनेतील मुलीचे वय १५ वर्षे १ महिने १९ दिवस आहे. ती मंगळवारी दुपारी ३:३० च्या सुमारास बाहेर जाऊन येते म्हणून बाहेर पडली ती परत आलीच नाही. अज्ञात असल्याचा गैरफायदा घेऊन कोणीतरी तिला फूस लावून पळवून नेल्याचे फिर्यादीत नमूद केले आहे. दोन्ही घटनेसंदर्भात विजापूर नाका पोलीस ठाण्याचे वरिष्ठ पोलीस निरीक्षक पवार, पोलीस निरीक्षक शिंदे, फौजदार पोपळभट, सहाय्यक पोलीस निरीक्षक नामदे यांनी भेट देऊन माहिती घेतली. पुढील तपास सुरु आहे.