ति-र्हे शाळा अतिक्रमण; विस्तार अधिका-यांनी अहवाल सादर

सोलापूर: ति-र्हे जिल्हा परिषद शाळेसमोरील अतिक्रमणाची विस्तार अधिकारी गोदावरी राठोड यांनी पाहणी करून माहिती घेतली. अतिक्रमण करून पत्र्याचे शाॅपिंग सेंटर उभे केल्याचा अहवाल गटशिक्षणाधिका-यांना सादर केला आहे.

उत्तर सोलापूर तालुक्यातील ति-र्हे जिल्हा परिषद शाळेसमोर अतिक्रमण करून पत्र्याचे शाॅपिंग उभारल्याने शाळेचा रस्ता बंद झाला आहे. मुख्याध्यापक, केंद्रप्रमुख, विस्तार अधिकारी व सर्वच प्रशासनाला ही बाब माहीत असताना सर्वांनीच बघ्याची भूमिका घेतल्याने अतिक्रमण करण्याची संधी मिळाली आहे.

गटशिक्षणाधिकारी बापूसाहेब जमादार यांनी विस्तार अधिकारी गोदावरी राठोड यांना याबाबतचा अहवाल सादर करण्यास सांगितले. त्यानुसार राठोड यांनी प्रत्यक्ष पाहणी करून अतिक्रमणाची माहिती घेतली. मुख्याध्यापक व गावक-यांकडून मिळालेल्या माहितीनुसार अहवाल गटशिक्षणाधिकारी बापूसाहेब जमादार यांना सादर केला.

----

विस्तार अधिकारी व केंद्र प्रमुखांना प्रत्यक्ष ति-र्हे येथील शाळेची पाहणी करून अहवाल सादर करण्याच्या सूचना दिल्या होत्या. त्यानुसार अहवाल आला आहे. यावर वरिष्ठ अधिकारी निर्णय घेतील.

- बापूसाहेब जमादार

गटशिक्षणाधिकारी, उत्तर सोलापूर