कंटेन्मेंट झोनमध्ये करकंब पोलिसांचा तगडा बंदोबस्त

करकंब पोलीस स्टेशनअंतर्गत असलेल्या शेवते येथे एक, भोसे येथे तीन, सुगावा भोसे येथे दोन आणि खेडभोसे येथे एक हे प्रशासनाने प्रतिबंधित क्षेत्रे घोषित केली आहेत. त्या प्रत्येक गावात सपोनि प्रशांत पाटील यांनी स्वतंत्र पोलीस बंदोबस्त दिला असून कोरोना साखळी ब्रेक करण्यासाठी प्रयत्न केले जात आहेत.

मागील काही दिवसांपासून कोरोना संसर्ग रुग्णांचा आकडे वाढत आहे. त्या पार्श्वभूमीवर शासनाने कडक निर्बंध लावले आहेत. विकएन्ड लॉकडाउन जाहीर केला आहे. शासनाच्या निर्णयाची अंमलबजावणी करून कोरोनाचा संसर्ग रोखण्यासाठी करकंब पोलिस सतर्क झाले आहेत.

कोट ::::::::::::::::::::::::::

करकंब पोलीस स्टेशन अंतर्गत महसूल प्रशासनाने जाहीर केलेल्या प्रतिबंधित क्षेत्रात पोलीस बंदोबस्त ठेवला आहे. नागरिकांनी सहकार्य करावे. तसेच व्यापाऱ्यांनी प्राधान्याने कोरोना टेस्ट करून घ्यावी.

- प्रशांत पाटील

सपोनि, करकंब