टिपरची मोटारसायकलला जोराची धडक; एक ठार, दोघे गंभीर जखमी

सोलापूर लोकमत ब्रेकिंग

सांगोला : भरधाव टिपरने दुचाकीला समोरून जोराची धडक दिल्याने झालेल्या अपघातात दुचाकीस्वाराचा जागीच मृत्यू झाला तर पाठीमागे बसलेले दोघेजण जखमी झाले. हा अपघात मंगळवारी रात्री ११:१५ च्या सुमारास जुनोनी- कोळा रोडवरील आलदर पेट्रोल पंपासमोर घडला.

श्रीमंत अर्जुन जाधव रा.पंढरपुर असे मृत दुचाकीस्वारांचे  नाव आहे तर सुरेश मल्हारी महानवर (रा.सोनके ता.पंढरपूर) व रघुनाथ पांडुरंग माडकर (रा. करगणी ता. आटपाडी) अशी जखमींची नावे आहेत.

सोनके (ता.पंढरपूर) येथील सुरेश मल्हारी महारनवर, श्रीमंत अर्जुन जाधव व करगणी ता.आटपाडी येथील मित्र रघुनाथ पांडुरंग माडकर असे तिघे जण मिळून खरसुंडी ता. आटपाडी येथे कलर कामासाठी गेले होते. तेथील काम संपल्यामुळे पुन्हा तिघेजण दुसरे काम बघण्यासाठी एम एच- १३-क्यू ०६६१ या दुचाकीवरून खरसुंडी येथून (जुनोनी ता.सांगोला) येथे  मंगळवारी २८ रोजी सायंकाळी ७:३०च्या सुमारास आले होते. तेथील काम पाहून पुन्हा त्याच दुचाकीवरुन रात्री १०-४५ च्या सुमारास जुनोनीकडून कोळे मार्गे खरसुंडीकडे जात असताना आलदर पेट्रोल पंपासमोर भरधाव येणाऱ्या पिवळ्या रंगाच्या टिप्परने त्यांच्या दुचाकीला समोरून जोराची धडक दिल्याने हा अपघात घडला.

अपघातात श्रीमंत जाधव (पंढरपुर) यांच्या डोक्यास कपाळावर जोराचा मार लागून जागीच ठार झाला तर सुरेश महारनवर याच्या उजव्या हाताची तीन बोटे मोडून  दोन्ही पायास हातास मार लागला . मित्र रघुनाथ माडकर यांच्या दोन्ही पायाला हातास पाठीला मुक्का मार लागून जखमी झाला. याबाबत, सुरेश मल्हारी महारनवर (रा.सोनके ता. पंढरपूर) यांनी अज्ञात टिपर चालकाविरुद्ध फिर्याद दाखल केली आहे.