सोलापूर दलातील 8 सहाय्यक पोलिस निरीक्षकांच्या बदल्या, ग्रामीणचे 2 अधिकारी आले शहरात
By Appasaheb.patil | Published: June 23, 2023 08:21 PM2023-06-23T20:21:21+5:302023-06-23T20:22:38+5:30
ग्रामीणचे रविंद्र मांजरे व अंकुश माने यांची सोलापूर शहर पोलिस दलात बदली करण्यात आली आहे.
प्रतिकात्मक फोटो
Next सोलापूर : राज्याच्या गृहविभागाने शुक्रवारी राज्यातील ६४० सहाय्यक पोलिस निरीक्षकांच्या बदल्या केल्या आहेत. त्यात सोलापूर शहर व ग्रामीण पोलिस दलातील आठ सहाय्यक पोलिस निरीक्षकांच्या बदल्या शुक्रवारी अप्पर पोलिस महासंचालक संजीवकुमार सिंघल यांच्या सहीने झाल्या. ग्रामीणचे रविंद्र मांजरे व अंकुश माने यांची सोलापूर शहर पोलिस दलात बदली करण्यात आली आहे.
सोलापूर ग्रामीण पोलीस दलातील सहाय्यक पोलिस निरीक्षक अतुल भोसले यांची लाचलुचपत प्रतिबंधक विभाग, ग्रामीणचे सुधीर तोरडमल यांची पुणे शहर, ग्रामीणचे मनोज सोनवलकर यांची कोकण परिक्षेत्र, ग्रामीणचे गणेश क्षीरसागर यांची सोलापूर शहर, आशुतोष चव्हाण यांची विसुवि, मंद्रुप पेालिस ठाण्याचे रविंद्र मांजरे यांची सोलापूर शहर, सोलापूर शहराचे शितलकुमार कोल्हळे यांची कोल्हापूर परिक्षेत्र, कामतीचे अंकुश माने यांची सोलापूर शहरात बदली झाली आहे.
तर हिनाकौसर कलाल या मुंबई येथून सोलापूर शहर, राहुल नामदे हे गडचिरोली येथून सोलापूर शहर, ज्योत्सना भांबिष्टे या गुन्हे अन्वेषण शाखेतून सोलापूर शहर व यशवंत बारवकर हे उस्मानाबाद येथून सोलापूर शहर पोलिस दलात येणार आहेत.