माढा येथे टायर पेटविले; शिंदे, फडणवीस, पवार सरकारचा निषेध, मराठा समाज आक्रमक 

छत्रपती शिवाजी महाराज चौकात टायर पेटवून शासनाच्या घोषणा देत या लाठ्ठी हल्ल्याचा निषेध करण्यात आला.

अमर गायकवाड, माढा: जालना येथील मराठा समाजावर झालेल्या हल्ल्याप्रकरणी माढा शहरासह परिसरात मराठा समाज आक्रमक झाला असून माढा दारफळ येथील बाजारपेठ पूर्णपणे बंद ठेवून घटनेचा निषेध करण्यात आला. तसेच शहरातील छत्रपती शिवाजी महाराज चौकात टायर पेटवून शासनाच्या घोषणा देत या लाठ्ठी हल्ल्याचा निषेध करण्यात आला.

या प्रकरणाची सखोल चौकशी करून मराठ्यांना न्याय देण्याची मागणी आंदोलकांनी केली. तर माढा शहरात तालुकास्तरीय मोर्चाचे आयोजन करण्यात आले आले असल्याचे सकल मराठा समाजाच्या वतीने सांगण्यात आले. यावेळी आमदार बबनराव शिंदे यांनी उपस्थिती दाखवत घटनेचा निषेध करून मराठ्यांना आरक्षण देण्याची मागणी केली.