अन्नाचा घास श्वसननलिकेत अडकल्याने वडाचीवाडीच्या बालकाचा मृत्यू

रोहन सिद्धेश्र्वर निळे (वय ११) या बालकाचा

जेवण करताना अन्नाचा घास श्वासनलिकेत अडकल्याने दुर्दैवी मृत्यू झाल्याची घटना गुरुवारी सायंकाळी घडली.

अधिक माहिती अशी की, रोहन हा पायाने दिव्यांग होता. महाशिवरात्रीचा उपवास असल्याने बनविलेली साबुदाना खिचडी त्याने खाल्ली होती. काही वेळानंतर त्याला अस्वस्थ वाटू लागल्याने त्याला माढ्यातील खासगी रुग्णालयात नेण्यात आले. तेथून ग्रामीण रुग्णालयात आणण्यात आले. तेथून माढा ग्रामीण रुग्णालयात गुरुवारी सायंकाळी साडेसहाच्या उपचारासाठी आणण्यात आले. वैद्यकीय अधीक्षक डाॅ. सदानंद व्हनकळस यांनी रोहनची तपासणी केली असता त्याचा उपचारापूर्वीच मृत्यू झाल्याचे घोषित केले.

त्याच्या पश्चात आई, वडील, एक भाऊ, आजी, आजोबा, चुलते, चुलती असा परिवार आहे. माढा ग्रामीण रुग्णालयात रोहनचे शवविच्छेदन करण्यात आले. या घटनेची ग्रामीण रुग्णालयाच्या वतीने माढा पोलिसात खबर देण्यात आली आहे.

----१२रोहण निळे--