बाळासाहेब ठाकरे जयंतीनिमित्त अक्कलकोटमध्ये विविध कार्यक्रम

अक्कलकोट : बाळासाहेब ठाकरे यांच्या जयंतीनिमित्त अक्कलकोट शिवसेनेच्या वतीने आयोजित विविध कार्यक्रम पार पडले. फत्तेसिंह मैदानावर शिवसेना चषकाचे उद्घाटन जिल्हा उपप्रमुख अमर पाटील यांच्या हस्ते झाले.

जिल्हा उपप्रमुख संतोष पाटील, उद्योगपती सुखदेव भिसे पाटील, तालुकाप्रमुख संजय देशमुख, संतोष घोडके यांच्या उपस्थितीत या कार्यक्रमाला सुरुवात करण्यात आली. यावेळी ग्रामपंचायतीमध्ये निवडून आलेल्या सदस्यांचा सत्कार करण्यात आला.

पाहुण्यांचे स्वागत तालुका उपप्रमुख प्रा. सूर्यकांत कडबगावकर, उपप्रमुख आनंद बुक्कानुरे, सैपन पटेल यांनी केले. काशीराया पाटील विद्यालय येथे शहरप्रमुख योगेश पवार यांच्या हस्ते वक्तृत्व स्पर्धेचे उद्घाटन करण्यात आले. महिला आघाडीच्या वतीने तालुकाप्रमुख वर्षा चव्हाण, शहरप्रमुख वैशाली हावनूर, उपप्रमुख ताराबाई कुंभार यांच्या हस्ते महिलांना धान्य वाटप करण्यात आले.

युवासेनेच्या वतीने ग्रामीण रुग्णालयात येथे शहर प्रमुख विनोद मदने व सोपन निकते यांच्या हस्ते फळे वाटप करण्यात आली. संगोगी येथे शिवसेना शाखेचे उद्घाटन करण्यात आले. कार्यक्रम यशस्वी करण्यासाठी शहरप्रमुख योगेश पवार, तालुका उपप्रमुख प्रा. सूर्यकांत कडबगावकर, उपप्रमुख आनंद बुक्कानुरे, सैपन पटेल, प्रवीण घाटगे, उद्योगपती महेबूब शेख यांनी परिश्रम घेतले. यावेळी इस्माईल जमादार, सुरेश डिग्गे, प्रसिद्धी प्रमुख बसवराज बिराजदार, धनराज चव्हाण, कृष्णा रजपूत, मुजावर, शिवानंद बाके, अशोक यादवाड, सलीम मुजावर, भीमसिंग रजपूत, विकास राठोड उपस्थित होते.

-----

फोटो : २३ अक्कलकोट

शिवसेना चषकाचे उद्घाटन करताना प्रा. सूर्यकांत कडबगावकर, आनंद बुक्कानुरे, सैपन पटेल, काशीराया पाटील, योगेश पवार.