जुगार खेळताना करमाळ्यात सहा जणांना रंगेहात पकडले

करमाळा : शहरात जुगार खेळणाऱ्या सहा जणांना पोलिसांनी रंगेहात पकडले आहे. त्यांच्याकडून ८,१०० रुपये जप्त केले आहेत.

शहराबाहेर एका पत्र्याच्या शेडच्या आडोशाला काही लोक जुगार खेळत असल्याची माहिती करमाळा पोलिसांना मिळाली. त्यानंतर तेथे छापा टाकला असता तेथे राजेश नारायण टेके (वय ४३, रा. रंभापुरा), वसंत दगडू लोंढे (वय ६४, रा. खडकपुरा), इम्रान हारुण शेख (वय ३१, रा. खडकपुरा), पंडित शिवराम शिंदे (वय ६१, रा. खसापुरी, ता. परांडा), सिकंदर दिलावर मणेरी (वय ४३, रा. खडकपुरा) व इसाक गुलाब पठाण (वय ६७, रा. सुमंतनगर) हे सहाजण जुगार खेळत होते. त्यांच्याकडून जुगाराचे साहित्य, रोख रक्कम व मोबाइल जप्त करण्यात आला.

या प्रकरणी पोलीस कॉन्स्टेबल सोमनाथ महादेव जगताप यांनी फिर्याद दिली आहे.