कपडे धुण्यासाठी गेलेली महिला बालकासह गेली वाहून

सूत्रांकडून मिळालेल्या माहितीनुसार, पायल सुग्रीव लोंढे या इतर महिलांसह भीमा नदीपात्रात कपडे धुण्यासाठी गेल्या होत्या. यावेळी जय जाधवही त्यांच्याबरोबर होता. या दरम्यान पायल व जय यांना भीमा नदीपात्रातील पाण्याचा अंदाज न आल्याने पाण्यात बुडाले आणि पाण्याच्या प्रवाहात वाहून गेले.

ही माहिती महिलेच्या पतीला समजताच, त्यांनी आजूबाजूच्या लोकांना बोलवून दोघांना शोधण्याचा प्रयत्न केला. मात्र, ते मिळून आले नाहीत. यानंतर, गटविकास अधिकारी रविकिरण घोडके, तालुका पोलीस निरीक्षक किरण अवचर यांनी घटनास्थळी भेट दिली. त्यांनी प्रशासकीय पातळीवर स्पीड बोटच्या साहाय्याने त्या दोघांची शोध मोहीम सुरू ठेवली आहे. पंढरपूर तालुक्यातील भटुंबरे, शेगाव दुमाला, अजनसोंड, सुस्ते येथील ग्रामसेवक, सरपंच, पोलीस पाटील यांना लक्ष ठेवण्यास दोन्ही अधिकाऱ्यांनी सांगितले आहे.

----