पिंपळवाडीत उद्योजकता मेळाव्याला युवकांचा प्रतिसाद

कुसळंब : पिंपळवाडी येथे आयोजित केलेल्या युवकांच्या उद्योजगता मेळाव्याला तरुणाईचा प्रतिसाद मिळाला. राष्ट्रीय शिक्षण प्रबोधिनीचे मुख्य कार्यकारी अधिकारी शिवाजीराव पवार यांनी युवकांना उद्योगाच्या टीप्स दिल्या. याप्रसंगी सरपंच जयश्री रमेश चौधरी यांची प्रमुख उपस्थिती होती.

शेळी पालन, दुग्ध व्यवसाय, पोल्ट्री उद्योग, प्रक्रिया उद्योग, गांडूळ खत यासह नर्सरी, मत्स्य व्यवसाय यासह अनेक उद्योगांची आणि शासनाच्या वेगवेगळ्या योजनांची माहिती या कार्यक्रमामध्ये त्यांनी दिली. यावेळी गावातील तरुण महिला, बचतगटांतील सदस्य, शेतकरी उपस्थित होते. कार्यक्रमासाठी रमेश चौधरी, उपसरपंच गोवर्धन चौधरी, दत्तात्रय चौधरी, ग्रामपंचायत सदस्य अजमुद्दिन मुलांनी, ग्रामपंचायत सदस्य सपना चौधरी यांनी परिश्रम घेतले. यावेळी सुहास चौधरी, करण चौधरी, सुशील चौधरी, काका चौधरी उपस्थित होते. उपस्थितांचे आभार जयाजीराव देशमुख यांनी मानले.

-------

फोटो :