Realme ने सादर केला भन्नाट 5G Phone; 12GB रॅम आणि 64MP कॅमेऱ्यासह Realme GT Neo 2T लाँच 

Realme GT Neo 2T Price In India: Realme GT Neo 2T चे तीन व्हेरिएंट चीनमध्ये उपलब्ध झाले आहेत. परंतु या फोनच्या भारतीय उपलब्धतेची माहिती मात्र अजूनही मिळालेली नाही. 

Realme ने चीनमध्ये एका इव्हेंटचे आयोजन करून दोन नवीन फोन सादर केले आहेत. यात GT-series मध्ये Realme GT Neo 2T 5G आणि Realme Q3s चा समावेश आहे. या लेखात आपण Realme GT Neo 2T 5G च्या फीचर्स, किंमत आणि स्पेसिफिकेशनची सर्व माहिती घेणार आहोत.  

Realme GT Neo 2T चे स्पेसिफिकेशन्स 

Realme GT Neo 2T मध्ये 6.43-इंचाचा FHD+ अ‍ॅमोलेड डिस्प्ले दिला आहे. हा डिस्प्ले 120Hz रिफ्रेश रेटला सपोर्ट करतो. या डिवाइसमध्ये मीडियाटेकच्या Dimensity 1200 प्रोसेसरची पॉवर देण्यात आली आहे. हा फोन 12GB पर्यंतच्या RAM आणि 256GB पर्यंतच्या इंटरनल स्टोरेजला सपोर्ट करतो. हा फोन Android 11 आधारित Realme UI 3.0 वर चालतो.  

Realme GT Neo 2T च्या बॅक पॅनलवर ट्रिपल कॅमेरा सेटअप देण्यात आला आहे. ज्यात 64MP चा मुख्य सेन्सर, 8MP ची अल्ट्रा-वाईड-अँगल लेन्स आणि 2MP मॅक्रो सेन्सर आहे. हा फोन 16MP च्या सेल्फी कॅमेऱ्याला सपोर्ट करतो. पॉवर बॅकअपसाठी या फोनमधील 4,500mAh बॅटरी 65W फास्ट चार्जिंगसह सादर करण्यात आली आहे.  

सिक्योरिटीसाठी रियलमी जीटी नियो 2टी मध्ये अंडर डिस्प्ले फिंगरप्रिंट सेन्सर देण्यात आला आहे. तसेच यूएसबी-सी पोर्ट, 3.5 मिमी जॅक, ड्युअल 5जी, 4जी, ब्लूटूथ, वायफाय 6, एनएफसी आणि ड्युअल-फ्रीक्वेंसी जीपीएस असे कनेक्टिव्हिटी पर्याय देखील मिळतात.  

Realme GT Neo 2T ची किंमत  

Realme GT Neo 2T चे तीन व्हेरिएंट चीनमध्ये उपलब्ध झाले आहेत. या फोनचा 8GB RAM आणि 128GB स्टोरेज असलेला मॉडेल 1,899 युआन (~ ₹22,200) आणि 8GB RAM 256GB व्हेरिएंटची किंमत 2,099 युआन (~ ₹ 24,500) आहे. तर या फोनच्या 12GB RAM आणि 256GB मॉडेलसाठी 2,399 युआन (~ ₹ 28,074) मोजावे लागतील. चीनमध्ये हा फोन 1 नोव्हेंबरपासून विकत घेता येईल. परंतु या फोनच्या भारतीय उपलब्धतेची माहिती मात्र अजूनही मिळालेली नाही.