लोकांना वेड लावणाऱ्या Realme फोनवर जबराट डिस्काउंट; 5000mAh बॅटरी, 8GB रॅम मिळवा स्वस्तात
By ऑनलाइन लोकमत | Published: March 22, 2022 03:43 PM2022-03-22T15:43:49+5:302022-03-22T15:46:48+5:30
Realme 9 SE 5G स्मार्टफोन लाँच होऊन फक्त काहीच दिवस झाले आहेत. परंतु आता हा स्मार्टफोन Flipkart आणि Realme.com वरील Realme Super 9 Days Sale मध्ये खूप स्वस्तात मिळत आहे.
लोकांना वेड लावणाऱ्या Realme फोनवर जबराट डिस्काउंट; 5000mAh बॅटरी, 8GB रॅम मिळवा स्वस्तात
Next Flipkart आणि Realme.com वर सध्या Realme Super 9 Days Sale सुरु आहे. या सेलमध्ये रियलमीच्या अनेक स्मार्टफोन्सवर तगडा डिस्काउंट दिला जात आहे. हा सेल 21 मार्च ते 31 मार्च दरम्यान सुरु राहणार आहे. यात नुकताच लाँच झालेला Realme 9 SE 5G फोन देखील डिस्काउंटसह विकत घेण्याची संधी मिळत आहे. चला जाणून घेऊया ऑफर्स.
Realme 9 SE 5G ची किंमत आणि ऑफर्स
Realme 9 5G SE स्मार्टफोनच्या 6GB + 128GB मॉडेलची किंमत 19,999 रुपये आहे, तर 8GB + 128GB व्हेरिएंट 22,999 रुपयांमध्ये सादर केला गेला आहे. हा डिवाइस व्हाईट आणि ब्लू कलरमध्ये विकत घेता येईल. सुपर नाईन डेज सेलमध्ये एचडीएफसी बँकेच्या कार्डवर 2000 रुपयांचा इन्स्टंट डिस्काउंट मिळत आहे. तसेच तुम्ही तुमचा जुना फोन देऊन 14,500 रुपयांपर्यंतची बचत करू शकता. फक्त 694 रुपयांच्या मासिक हप्त्यावर देखील हा फोन घरी आणता येईल.
Realme 9 SE 5G चे स्पेसिफिकेशन्स
Realme 9 5G SE स्मार्टफोनमध्ये 6.6-इंचाचा FHD+ डिस्प्ले 144Hz रिफ्रेश रेट आणि 180Hz टच सॅम्पलिंग रेटसह मिळाला आहे. हा फोन Qualcomm Snapdragon 778G चिपसेटसह आला आहे सोबत ग्राफिक्ससाठी Adreno 642L सपोर्ट मिळतो. रियलमीचा हा स्मार्टफोन 8GB पर्यंत LPDDR4x RAM आणि 128GB UFS 2.1 स्टोरेजसह सादर केला गेला आहे. ही स्टोरेज मायक्रोएसडी कार्डनं वाढवता येते.
Realme 9 5G SE स्मार्टफोनमध्ये ट्रिपल रियर कॅमेरा सेटअप मिळतो. रियलमीच्या या स्मार्टफोनमध्ये 48 मेगापिक्सलचा प्रायमरी कॅमेरा, 2MP B&W लेन्स आणि 2MP मॅक्रो सेन्सर मिळतो. सेल्फी आणि व्हिडीओ कॉलिंगसाठी 16MP चा फ्रंट कॅमेरा आहे. हा Android 11 वर आधारित Realme UI 2.0 वर चालतो. बेसिक कनेक्टिव्हिटी सोबत साइड फिंगरप्रिंट स्कॅनर आहे. यातील 5,000mAh ची मोठी बॅटरी आणि 30W Dart फास्ट चार्जिंगला सपोर्ट करते.