30 तासांचा बॅटरी बॅकअप! स्वस्तात मस्त Redmi फोनचा पहिला सेल आज, फक्त 'इतकी' आहे किंमत
By सिद्धेश जाधव | Published: April 26, 2022 11:45 AM2022-04-26T11:45:15+5:302022-04-26T11:45:27+5:30
MediaTek Helio G25 SoC, 5GB RAM, 5000mAh बॅटरी आणि 13MP कॅमेरा असलेल्या Redmi 10A स्मार्टफोन आजपासून खरेदीसाठी उपलब्ध होणार आहे.
30 तासांचा बॅटरी बॅकअप! स्वस्तात मस्त Redmi फोनचा पहिला सेल आज, फक्त 'इतकी' आहे किंमत
Next Xiaomi नं आपल्या बजेट फ्रेंडली Redmi ब्रँड अंतर्गत एक स्वस्त आणि मस्त स्मार्टफोन गेल्या आठवड्यात सादर केला होता. MediaTek Helio G25 SoC, 5GB RAM, 5000mAh बॅटरी आणि 13MP कॅमेरा असलेला Redmi 10A भारतीयांच्या सेवेत दाखल झाला आहे. हा फोन आजपासून विकत घेता येईल. याची किंमत, उपलब्धता आणि फीचर्सची माहिती आपण या लेखातून घेणार आहोत.
Redmi 10A ची किंमत
Redmi 10A चे कंपनीनं दोन व्हेरिएंट भारतात सादर केले आहेत. बेस व्हेरिएंटमध्ये 3 जीबी रॅम व 32 जीबी मेमरी मिळते, ज्याची किंमत 8,499 रुपये ठेवण्यात आली आहे. तर 4 जीबी रॅम व 64 जीबी मेमरी असलेल्या मॉडेलसाठी तुम्हाला 9,499 रुपये मोजावे लागतील. हा फोन ब्लू, ग्रे, आणि ब्लॅक कलरमध्ये विकत घेता येईल. याची विक्री आज दुपारी 12 वाजल्यापासून कंपनीच्या अधिकृत वेबसाईटसह Amazon, आणि Mi Home वर सुरु करण्यात येईल.
Redmi 10A चे स्पेसिफिकेशन्स
Xiaomi Redmi 10A मध्ये 6.53 इंचाचा एचडी+ IPS LCD पॅनल देण्यात आला आहे. वॉटर ड्रॉप नॉच असलेला हा डिस्प्ले 400 nits पीक ब्राईटनेसला सपोर्ट करतो. हा फोन 2GHz स्पीड असलेल्या क्वॉड कोर MediaTek Helio G25 प्रोासेसरसह बाजारात आला आहे. फोनमध्ये 4 जीबी पर्यांतच रॅम मिळतो सोबत 1 जीबी व्हर्च्युअल रॅम आहे.
फोनच्या मागे 13 मेगापिक्सलचा एक एआय कॅमेरा आहे. तर फ्रॉन्टला 5 मेगापिक्सलचा सेन्सर मिळतो. शाओमी रेडमी 10ए स्मार्टफोन 5000 एमएएचच्या मोठ्या बॅटरीसह कंपनीनं बाजारात आणला आहे. ही बॅटरी 10 वॉट फास्ट चार्जिंगनं चार्ज करता येते. बेसिक कनेक्टिव्हिटी फीचर्ससह कंपनीनं यात फिंगरप्रिंट सेन्सरची सुविधा दिली आहे.