स्वस्त, सुंदर आणि टिकाऊ Realme C35 लाँच; फोनमध्ये 5,000mAh ची दमदार बॅटरी व 50MP कॅमेरा

Realme C35 स्मार्टफोन 50MP Camera, 5,000mAh battery, 4GB RAM आणि Unisoc T616 चिपसेटसह लाँच झाला आहे.

Realme नं आपल्या बजेट फ्रेंडली सी सीरिजचा विस्तार केला आहे. कंपनीनं Realme C35 स्मार्टफोन जागतिक बाजारात लाँच केला आहे. परंतु लवकरच हा फोन 50MP Camera, 5,000mAh battery, 4GB RAM आणि Unisoc T616 चिपसेटसह भारतीय बाजारात देखील येणार आहे. त्यामुळे देशात येण्याआधीच या फोनच्या किंमत आणि स्पेक्सची माहिती मिळाली आहे.  

Realme C35 चे स्पेसिफिकेशन्स 

रियलमी सी35 स्मार्टफोनमधील 6.6 इंचाचा फुलएचडी+ वॉटर ड्रॉप डिस्प्ले 2408 x 1080 पिक्सल रिजोल्यूशनला सपोर्ट करतो. यात 600निट्स ब्राईटनेस आणि 180हर्ट्ज टच सॅम्पलिंग रेट देण्यात आला आहे. हा फोन अँड्रॉइड 11 बेस्ड रियलमी युआयच्या आर एडिशनवर चालतो. याला Unisoc T616 चिपसेटची प्रोसेसिंग पावर आणि एआरएम माली जी57 जीपीयू देण्यात आला आहे. सोबत 4GB RAM आणि 128GB पर्यंतची स्टोरेज मिळते.  

फोटोग्राफीसाठी या रियलमी फोनमध्ये ट्रिपल रियर कॅमेरा सेटअप मिळतो. ज्यात एलईडी फ्लॅशसह 50 मेगापिक्सलचा प्रायमरी सेन्सर, एक मॅक्रो लेन्स आणि एक ब्लॅक अँड व्हाईट लेन्स देण्यात आली आहे. फोनमधील फ्रंट कॅमेरा 8 मेगापिक्सलचा आहे. बेसिक कनेक्टिव्हिटीसह यात सिक्योरिटीसाठी साईड फिंगरप्रिंट सेन्सर आणि फेस अनलॉक फिचर मिळतं. तर पावर बॅकअपसाठी 5,000एमएएचची बॅटरी 18वॉट फास्ट चार्जिंग टेक्नॉलॉजीसह देण्यात आली आहे.  

Realme C35 की किंमत 

थायलंडमध्ये रियलमी सी35 स्मार्टफोनच्या छोट्या 4 जीबी रॅम आणि 64 जीबी स्टोरेज असलेल्या व्हेरिएंटची किंमत 5,799 THB (13,300 रुपये) आहे. तर मोठ्या 4 जीबी रॅमसह 128 जीबी इंटरनल स्टोरेज मॉडेलसाठी 6,299 THB म्हणजे जवळपास 14,500 रुपये मोजावे लागतील. भारतीय किंमत मात्र यापेक्षा वेगळी असू शकते.  

हे देखील वाचा:

• 1515 रुपयांच्या हप्त्यावर मिळवा iPhone 12 Mini; फ्लिपकार्टच्या सेलमध्ये डिस्काउंटसह विक्री
• OnePlus च्या आगामी 5G फोनची किंमत करेल तुम्हाला खुश; पुढील आठवड्यात होणार लाँच