खुशखबर! एक वर्षापर्यंत सिम राहील अ‍ॅक्टिव्ह, Unlimited Free Calling आणि हाय-स्पीड इंटरनेट मिळेल  

Airtel : एअरटेलच्या ज्या प्रीपेड रिचार्ज प्लॅनबद्दल आम्ही सांगत आहोत त्याची किंमत 1799 रुपये आहे.

नवी दिल्ली : जर तुम्हालाही दर महिन्याला रिचार्जची तारीख आठवत नसेल आणि प्लॅन संपल्यानंतरच दर महिन्याला रिचार्ज करत असाल तर तुमची कॉलिंग आणि इंटरनेट सुविधा बंद पडणे साहजिकच आहे आणि अनेकवेळा तुम्ही अडचणीतही येऊ शकतात. तुमच्यासोबत असे घडू नये हे लक्षात घेऊन एअरटेलने (Airtel) यूजर्ससाठी एक खास प्लॅन आणला आहे, एकदा रिचार्ज केल्यानंतर तुम्हाला वर्षभर रिचार्ज करण्याचे टेन्शन नाही. विशेष बाब म्हणजे हा एक प्रीपेड प्लॅन आहे, त्यामुळे यूजर्सना सर्वोत्तम फायदे मिळतील आणि पोस्टपेडचा त्रास होणार नाही. जर तुम्हाला या प्लॅनबद्दल कोणतीही माहिती नसेल तर याबद्दल सविस्तर माहिती जाणून घेऊ शकता.

एअरटेलच्या ज्या प्रीपेड रिचार्ज प्लॅनबद्दल आम्ही सांगत आहोत त्याची किंमत 1799 रुपये आहे. या प्लॅनचे सर्वात मोठे वैशिष्ट्य म्हणजे यामध्ये तुम्हाला 365 दिवसांची व्हॅलिडिटी ऑफर केली जाते. अशा परिस्थितीत जर तुम्ही 1 जानेवारीला तुमचा प्लॅन रिचार्ज केला तर हा प्लॅन पुढील वर्षी 1 जानेवारीला संपेल आणि तोपर्यंत तुम्ही अनलिमिटेड लोकल आणि एसटीडी कॉलिंग तसेच इंटरनेट सेवांचा आनंद घेऊ शकाल. 

या प्लॅनमध्ये अनलिमिटेड कॉलिंगची सुविधा देण्यात आली आहे. जी तुम्हाला वर्षभर ऑफर केली जाईल, इतकेच नाही तर तुम्हाला यामध्ये 24 जीबी डेटाही मिळेल, ज्यामुळे तुमचे इंटरनेटशी संबंधित काम सहज होईल. यासोबत तुम्हाला 3600  एसएमएस वर्षभर मिळतील. इतकंच नाही तर तुम्हाला Apollo 247 सर्कलचे सबस्क्रिप्शन देखील मिळते, जे 3 महिन्यांसाठी लागू आहे आणि तुम्हाला FastTag वर 100 रुपयांचा कॅशबॅक देखील दिला जातो. याचबरोबर,  तुम्हाला फ्री Hello Tunes आणि Free Wynk Music चे सब्सक्रिप्शन देखील मिळते. त्यामुळे एकूणच जर तुम्हाला जास्त इंटरनेटची गरज नसेल, तर हा प्लॅन तुमच्यासाठी फायदेशीर ठरू शकतो.