गुड न्यूज! अँड्रॉइडच्या किंमतीत आयफोनची मजा; सर्वात स्वस्त 5G iPhone वर भरघोस सूट 

iPhone SE 2022 वर iStore आणि Amazon मोठा डिस्काउंट देत आहेत. त्यामुळे हा फोन काही मिड रेंज अँड्रॉइड स्मार्टफोन्स पेक्षाही स्वस्त झाला आहे.  

Apple नं आपला सर्वात स्वस्त 5G iPhone अँड्रॉइड युजर्सना कंपनीच्या इकोसिस्टममध्ये आणण्यासाठी सादर केला आहे. म्हणूनच या फोनमध्ये लेटेस्ट A15 बायोनिक चिपसेट देऊन सुद्धा कंपनीनं फोनची किंमत कमी ठेवली आहे. आता 43,900 रुपयांमध्ये लाँच झालेला iPhone SE 2022 स्मार्टफोन Amazon आणि iStore वर जवळपास 28,000 रुपयांमध्ये विकत घेता येत आहे.  

iPhone SE 2022 वरील ऑफर 

Apple iStore आणि अ‍ॅमेझॉनवरून हा डिवाइस विकत घेता HDFC बँकेच्या डेबिट किंवा क्रेडिट कार्डचा वापर केल्यास 2000 रुपये पर्यंतचा कॅशबॅक मिळत आहे. परंतु एक्सचेंज ऑफर्समध्ये थोडा फरक आहे. iStore वर तुम्ही तुमचा जुना फोन देऊन 13,000 रुपयांची बचत करू शकता. त्यामुळे iPhone SE 2022 फोन फक्त 28,900 रुपयांमध्ये मिळेल.  

अ‍ॅमेझॉनवरून iPhone SE 2022 चा बेस मेमोरी व्हेरिएंट विकत घेताना तुम्ही तुमचा जुना फोन देऊ शकता. इथे 13,850 रुपयांची एक्सचेंज ऑफर दिली जात आहे. योग्य स्मार्टफोन एक्सचेंज केल्यास फक्त 28,050 रुपयांमध्ये एक नवाकोरा आयफोन तुमच्या हातात येईल.  

Apple iPhone SE (2022) चे स्पेसिफिकेशन्स  

Apple iPhone SE (2022) ची डिजाईन जुन्या iPhone 8 सारखी आहे. या आयफोनच्या बॅक आणि फ्रंटला देण्यात आलेली ग्लास कोणत्याही स्मार्टफोनमधील सर्वात मजबूत ग्लास आहे. सिक्योरिटीसाठी यात Touch ID देण्यात आली आहे. तसेच यातील IP67 रेटिंग पाणी आणि धुळीपासून वाचवते. हा डिवाइस Red, Black आणि White कलर ऑप्शन्समध्ये विकत घेता येईल.  

Apple iPhone SE (2022) मध्ये गेल्यावर्षी आलेल्या फ्लॅगशिप iPhone 13 सीरिजच्या A15 Bionic प्रोसेसरचा वापर करण्यात आला आहे. या पावरफुल चिपसेटसह कंपनीनं 5G कनेक्टिव्हिटी देखील दिली आहे. हा फोन iOS 15 वर चालेल, तसेच यात फोकस मोड सारखे फीचर्स देण्यात आले आहेत. फोनच्या मागे 12MP चा सिंगल कॅमेरा आहे, जो Deep Fusion, Smart HDR 4 आणि फोटो स्टाईलला सपोर्ट करतो. यात चांगली व्हिडीओ रेकॉर्डिंग क्वॉलिटी मिळेल, असा दावा कंपनीनं केला आहे.