16GB रॅम आणि 2TB स्टोरेजचा Asus चा दमदार लॅपटॉप भारतात आला; टच स्क्रीन डिस्प्लेसह मिळणार Windows 11 सपोर्ट 

Asus ExpertBook B5 Flip OLED (B5302) लॅपटॉप भारतात 16GB RAM, 2TB SSD स्टोरेज, Windows 11 सपोर्ट आणि 11th-gen Intel Core-i7 प्रोसेसरसह सादर करण्यात आला आहे.  

Asus नं भारतात Asus ExpertBook B5 Flip OLED (B5302) नावाचा नवीन लॅपटॉप सादर केला आहे. यात 16GB RAM, 2TB SSD स्टोरेज आणि Windows 11 सपोर्ट देण्यात आला आहे. हा एक 360-डिग्री हिंज असलेला टचस्क्रीन लॅपटॉप आहे. ज्यात HDR OLED स्क्रीनसह 11 व्या जेनरेशनचा इंटेल कोर i7 प्रोसेसर देण्यात आला आहे. चला जाणून घेऊया आसूसच्या या दमदार लॅपटॉपची किंमत.  

स्पेसिफिकेशन्स आणि फीचर्स 

Asus ExpertBook B5 Flip OLED (B5302) मध्ये एक 13.3-इंचाचा फुलएचडी OLED डिस्प्ले देण्यात आला आहे. हा टचस्क्रीन पॅनल 400 निट्स पीक ब्राईटनेस आणि 100 टक्के DCI-P3 कलर गॅमुटला सपोर्ट करतो. यातील 360 डिग्री हिंजमुळे याचा वापर टॅबलेट प्रमाणे देखील करता येईल. यात वेबकॅम आणि सिक्योरिटीसाठी TPM 2.0 चिप देण्यात आली आहे. 

हा Windows 10 वर चालणार लॅपटॉप आहे जो Windows 11 वर अपग्रेड करता येईल. याचे Intel Core i5-1135G7 आणि Core i7-1165G7 असे डोन्ट व्हेरिएंट बाजारात आले आहेत. सोबत लॅपटॉपमध्ये Intel Xe ग्राफिक्स मिळतो. यात 16GB पर्यंतचा DDR4 RAM मिळतो, जो 48GB पर्यंत वाढवता येतो.  

या आसूस लॅपटॉपमध्ये 2TB पर्यंतची स्टोरेज देणाऱ्या दोन SSD मिळतात. तसेच Thunderbolt 4, HDMI 2.0b, ड्युअल बँड Wi-Fi 6 आणि Bluetooth v5.0 कनेक्टव्हिटीसाठी उपयुक्त ठरतात. यात चार सेलसह 66W ची बॅटरी देण्यात आली आहे. जी 12 तासांचा बॅकअप देऊ शकते.  

Asus ExpertBook B5 Flip OLED (B5302) ची किंमत 

Asus ExpertBook B5 Flip OLED (B5302) ची भारतात किंमत 1,39,000 रुपयांपासून सुरु होते. यात 11th-gen Intel Core-i7 पर्यंत प्रोसेसरसह 16GB पर्यंत RAM मिळतो. सध्या हा डिवाइस आसूसच्या अधिकृत PC पार्ट्नर स्टोर्सवर खरेदीसाठी उपलब्ध झाला आहे. 

हे देखील वाचा:

• Vivo Phone: 8GB रॅमसह भारतात येतोय Vivo चा शानदार Smartphone; किंमत देखील असेल कमी
• हे आहेत 20 हजारांच्या आत येणारे बेस्ट स्मार्ट टीव्ही; Flipkart Sale मध्ये मिळतायत जबरदस्त ऑफर्स