कधीच हँग होणार नाही हा फोन; 16GB RAM सह घेतली एंट्री, 15 मिनिटांत होतो फुलचार्ज
By सिद्धेश जाधव | Published: March 31, 2022 12:12 PM2022-03-31T12:12:40+5:302022-03-31T12:13:11+5:30
Black Shark 5 Pro स्मार्टफोनमध्ये 16GB RAM, 120W फास्ट चार्जिंग, 108MP कॅमेरा आणि 4650mAh ची बॅटरी आहे.
कधीच हँग होणार नाही हा फोन; 16GB RAM सह घेतली एंट्री, 15 मिनिटांत होतो फुलचार्ज
Next Black Shark 5 Pro स्मार्टफोन जागतिक बाजारात लाँच झाला आहे. हा एक गेमिंग फोन आहे, जो नव्या डिजाईन आणि हार्डवेयरसह बाजारात आला आहे. यात 16GB RAM, 120W फास्ट चार्जिंग, 108MP कॅमेरा आणि 4650mAh ची बॅटरी असे भन्नाट स्पेसिफिकेशन्स मिळतात.
याची डिजाईन एखाद्या गेमिंग फोनला साजेशी आहे. ज्यात मागे SharkEye RGB लाईट इफेक्ट देण्यात आला आहे. यातील स्पिकर्सना DXOMark वर टॉप रेटिंग देण्यात आलं आहे. सोबत गेमिंगसाठी मॅग्नेटिक लिफ्ट-अप शोल्डर बटन देण्यात आले आहेत. या फोनला AnTuTu च्या टेस्टमध्ये 1,129,716 स्कोर मिळाला आहे.
Black Shark 5 Pro चे स्पेसिफिकेशन
Black Shark 5 Pro गेमिंग फोनमध्ये 6.67-इंचाचा फुलएचडी+ ओएलईडी डिस्प्ले 144Hz रिफ्रेश रेटसह देण्यात आला आहे. जो 720Hz टच सॅम्पलिंग रेट, 1300 निट्स ब्राईटनेस, HDR10+ आणि 1.07 बिलियन कलर्सला सपोर्ट करतो. हा फोन क्वालकॉमच्या सर्वात वेगवान स्नॅपड्रॅगन 8 जेन 1 चिपसेटवर चालतो. सोबत 16GB पर्यंत LPDDR5 आणि 512GB स्टोरेज देण्यात आली आहे. हा स्मार्टफोन अँड्रॉइड 12 आधारित जॉययुआय 13 वर चालतो.
फोनमध्ये ट्रिपल रियर कॅमेरा सेटअप देण्यात आला आहे. ज्यात 108MP चा मुख्य सेन्सर, 13MP चा अल्ट्रा-वाईड सेन्सर आणि 5MP ची टेलीफोटो लेन्स मिळेल. फ्रंटला 16MP चा सेन्सर आहे. फोनमध्ये 4650mAh ची बॅटरी 120W फास्ट चार्जिंगला सपोर्ट करतो. जी फक्त 15 मिनिटांत फुल चार्ज केली जाऊ शकते.
किंमत
Black Shark 5 Pro च्या 8GB रॅम आणि 25GB व्हेरिएंटची किंमत 661 डॉलर्स (जवळपास 50,000 रुपये) आहे. तर 12GB रॅम व 256GB व्हेरिएंटटसाठी 740 डॉलर्स (जवळपास 56,000 रुपये) आणि 16GB रॅम व 512GB व्हेरिएंटटसाठी 866 डॉलर्स (जवळपास 66,000 रुपये) द्यावे लागतील. हा फोन ब्लॅक आणि व्हाईट कलर ऑप्शनमध्ये ब्लॅक शार्क स्टोर्स, शाओमी स्टोर्स आणि JD.com वरून विकत घेता येईल.