एका चार्जमध्ये 30 तास म्युजिक टाइम; boAt चे तगडे Earbuds बाजारात धुमाकूळ घालण्यासाठी सज्ज
By सिद्धेश जाधव | Published: June 11, 2022 11:59 AM2022-06-11T11:59:49+5:302022-06-11T12:00:04+5:30
boAt ने स्टाइलिश डिजाइन आणि जबरदस्त बॅटरी बॅकअपसह स्वस्त boAt Airdopes 191G gaming TWS इयरबड्स लाँच केले आहेत.
एका चार्जमध्ये 30 तास म्युजिक टाइम; boAt चे तगडे Earbuds बाजारात धुमाकूळ घालण्यासाठी सज्ज
Next गेमर्ससाठी खास ऑडिओ प्रोडक्ट लाँच करण्याची घोषणा boAt नं काही दिवसांपूर्वी केली होती. त्यानुसार कंपनीनं आता Airdopes 191G Gaming TWS इयरबड्स भारतात लाँच केले आहेत. गेमिंगसाठी लो लेटन्सी खूप आवश्यक असते, त्यावर भर देत कंपनीनं 65ms लेटन्सी असलेल्या बीस्ट मोडसह हे बड्स बाजारात आणले आहेत.
boAt Airdopes 191G gaming TWS ची किंमत
boAt Airdopes 191G इयरबड्स तुम्ही कंपनीच्या वेबसाईटवरून विकत घेऊ शकता, तसेच Amazon आणि Flipkart या दोन प्रमुख ई-कॉमर्स साईट्स देखील यांची विक्री करत आहेत. हे इयरबड्स तुम्ही 1,499 रुपायांमध्ये खरेदी करू शकता. ब्लॅक, ब्लू, ग्रे आणि रेड असे कलर ऑप्शन देखील देण्यात आले आहेत.
boAt Airdopes 191G Gaming TWS चे स्पेक्स
कंपनीनं यात स्टेम डिजाइनचा वापर केला आहे, ज्यात इयरबड्सची बॉडी थोडी ट्रान्सपरंट देखील आहे. सोबत कंपनीनं स्टायलिश चार्जिंग केस देखील सादर केला आहे, ज्याचा आकार षट्कोनी आहे. चार्जिंग केसमधील ब्रीदिंग एलईडी लाईट्स लक्ष वेधून घेतात.
boAt Airdopes 191G मध्ये 10mm ड्रायवरचा वापर करण्यात आला आहे. यातील Bluetooth 5.2 IWP (Instant Wake and Pair) टेक्नॉलॉजीसह येते. यात क्वॉड स्पीकर सेटअप ENx टेक्नॉलॉजीसह देण्यात आला आहे, जो बॅकग्राउंड नॉइज दडपून टाकतो. या इयरबड्समध्ये IPX5 वॉटर रेजिस्टन्सची सुरक्षा आणि व्हॉइस असिस्टंट सपोर्ट देण्यात आला आहे.
बॅटरी लाईफ पाहता, boAt Airdopes 191G मध्ये 40mAh बॅटरी प्रत्येक इयरबडमध्ये मिळते. तसेच चार्जिंग केसची क्षमता 400mAh आहे. चार्जिंग केससह हे बड्स सिंगल चार्जवर 30 तास वापरता येतात असा कंपनीनं दावा केला आहे. यांचा चार्जिंग टाइम 30-45 मिनिटं आहे, केसमध्ये USB Type-C पोर्ट चार्जिंगसाठी मिळतो.