फक्त 2000 देऊन बुक करता येईल ट्रान्सपरंट बॅक असलेला स्मार्टफोन; नथिंग फोन 1 ची बुकिंग अमाऊंट लीक 

नथिंग फोन 1 स्मार्टफोन 12 जुलैला लाँच होणार असून त्याआधीच फोनची बरीचशी माहिती समोर येऊ लागली आहे.  

नथिंग कंपनीची स्थापना झाल्यापासून चाहते नथिंग फोन 1 स्मार्टफोनची वाट बघत आहेत. आता कंपनीनं स्वतःहून हा फोन 12 जुलैला लाँच केला जाईल, असं सांगितलं आहे. लिक्स आणि रिपोर्ट्समधून आतापर्यंत या स्मार्टफोनची बरीचशी माहिती लीक झाली आहे. आता एका टिपस्टरनं नथिंग फोन 1 द्या प्री-बुकिंगची माहिती लीक केली आहे.  

बुकिंग अमाऊंट 2000 रुपये 

टिपस्टर मुकुल शर्मानं नथिंग फोन 1 च्या प्री-बुकिंगची माहिती दिली आहे. ट्विट करून एक प्री-बुकिंग कुपनचा फ्लिपकार्ट प्रोडक्ट पेजचा एक स्क्रीनशॉट शेयर केला आहे. त्यानुसार हा फोन फक्त 2000 रुपयांमध्ये बुक करता येईल आणि खरेदीच्या वेळी हे पैसे अड्जस्ट केले जातील.  

स्मार्टफोनची प्री-बुकिंग अजूनतरी सुरु झाली नाही. परंतु स्क्रिनशॉटमध्ये कुपन फक्त 18 जुलैपर्यंत वैध असेल असं दिसत आहात. त्यामुळे 12 जुलैच्या लाँच इव्हेंटच्या नंतर नथिंग फोन 1 बुक करता येईल अशी अपेक्षा आहे. तर 18 जुलैनंतर फोन विक्रीसाठी उपलब्ध होऊ शकतो.  

Nothing Phone 1 चे संभाव्य स्पेक्स   

एका टिपस्टरनं दिलेल्या माहितीनुसार, Nothing Phone 1 मध्ये 6.55 इंचाचा FHD+ AMOLED डिस्प्ले मिळू शकतो, जो 90Hz रिफ्रेश रेटला सपोर्ट करेल. फोनचा डिस्प्ले HDR10+ सपोर्टसह येऊ शकतो. हा फोन Qualcomm Snapdragon 778G प्रोसेसरसह येईल, ज्यात 8GB पर्यंत RAM मिळू शकतो. सोबत 128GB स्टोरेज मिळू शकते. हा फोन Android 12 ऑपरेटिंग सिस्टमवर आधारित Nothing OS वर चालेल.  

या फोनचा कॅमेरा सेगमेंट पाहता, फोनच्या मागे ट्रिपल रियर कॅमेरा सेटअप मिळू शकतो. ज्यात प्रायमरी कॅमेरा 50MP चा असेल. त्याचबरोबर 8MP ची वाईड अँगल लेन्स आणि 2MP चा मॅक्रो कॅमेरा मिळू शकतो. सेल्फी आणि व्हिडीओ कॉलिंगसाठी फोनमध्ये 32MP चा कॅमेरा दिला जाऊ शकतो. Nothing Phone 1 मध्ये 4,500mAh ची बॅटरी मिळेल. विशेष म्हणजे या फोनमध्ये वायरलेस चार्जिंग दिली जाऊ शकते.