मोठी बॅटरी असलेला फोन शोधताय? 8,800 रुपयांमध्ये मिळतोय 6000mAh बॅटरी असलेला हँडसेट
By ऑनलाइन लोकमत | Published: June 16, 2022 01:05 PM2022-06-16T13:05:54+5:302022-06-16T13:06:37+5:30
फ्लिपकार्टवर 6000mAh बॅटरी आणि 48MP कॅमेरा असलेला Samsung स्मार्टफोन 9000 रुपयांपेक्षा कमी किंमतीत विकला जात आहे.
मोठी बॅटरी असलेला फोन शोधताय? 8,800 रुपयांमध्ये मिळतोय 6000mAh बॅटरी असलेला हँडसेट
Next बजेटमध्ये मोठी बॅटरी असलेला स्मार्टफोन शोधत असाल तर सॅमसंगचा एक फोन तुमच्यासाठी परफेक्ट ठरू शकतो. ऑनलाइन शॉपिंग वेबसाईट फ्लिपकार्टवर तुम्ही Samsung Galaxy F12 स्मार्टफोन 9000 रुपयांपेक्षा कमी किंमतीत विकत घेऊ शकता. विशेष म्हणजे या हँडसेटमध्ये 6000mAh ची बॅटरी तर आहेच परंतु सोबत 48 मेगापिक्सलचा शानदार कॅमेरा देखील आहे.
Galaxy F12 वरील ऑफर
फ्लिपकार्टवर या स्मार्टफोनचा 12,999 रुपये किंम असलेला 4 जीबी रॅम व 64 जीबी स्टोरेज व्हेरिएंट 9,499 रुपयांमध्ये विकला जात आहे. फोन खरेदी करताना Axis बँकेच्या क्रेडिट कार्डनं पेमेंट करून तुम्ही 750 रुपयांचा अतिरिक्त डिस्काउंट मिळवू शकता. त्यामुळे या सॅमसंग फोनची किंमत 8,749 रुपये होईल.
Samsung Galaxy F12 चे स्पेसिफिकेशन्स
Samsung Galaxy F12 स्मार्टफोनमध्ये 720 x 1600 पिक्सल रेज्ल्यूशन असलेला 6.5 इंचाचाचा एचडी+ टीएफटी एलसीडी डिस्प्ले देण्यात आला आहे. हा डिस्प्ले 90हर्ट्ज रिफ्रेश रेट आणि इनफिनिटी ‘व्ही’ डिजाईनसह बाजारात आला आहे. हा फोन अँड्रॉइड 11 ओएस आधारित वन युआय 3.1 वर चालतो. तसेच प्रोसेसिंगसाठी या फोनमध्ये सॅमसंगचा एक्सनॉस 850 चिपसेट देण्यात आला आहे.
फोटोग्राफीसाठी सॅमसंग गॅलेक्सी एफ12 मध्ये क्वॉड रियर कॅमेरा सेटअप देण्यात आला आहे. यात एलईडी फ्लॅशसह 48 मेगापिक्सलचा मुख्य सेन्सर, 5 मेगापिक्सलचा अल्ट्रा वाइड सेन्सर, 2 मेगापिक्सलचा डेफ्थ सेन्सर आणि 2 मेगापिक्सलचा मॅक्रो सेन्सर मिळतो. हा फोन 8 मेगापिक्सलच्या फ्रंट कॅमेऱ्याला सपोर्ट करतो. Samsung Galaxy F12 स्मार्टफोनमध्ये 6,000एमएएचची मोठी बॅटरी देण्यात आली आहे.