मामुली किंमतीत रियलमीचा शानदार फोन; स्वस्त आणि मस्त Realme C31 घेणार भारतात एंट्री 

Realme C31 India Launch: Realme C31 च्या बेस व्हेरिएंटमध्ये 3 जीबी रॅम आणि 32 जीबी इंटरनल स्टोरेज देण्यात येईल. तर मोठा व्हेरिएंट 4 जीबी रॅमसह 64 जीबी इंटरनल स्टोरेजला सपोर्ट करेल.

Realme सध्या आपल्या लो बजेट सेगमेंटवर लक्ष केंद्रित करत असल्याचं दिसत आहे. काही दिवसांपूर्वी कंपनीनं Realme C35 जागतिक बाजारात लाँच केला आहे. तर आता ‘सी’ सीरीजचा अजून एक स्मार्टफोन भारतात देखील येणार आहे. हा रियलमी फोन Realme C31 नावानं देशात पदार्पण करेल. टिपस्टर मुकुल शर्मानं दिलेल्या माहितीनुसार, Realme C31 स्मार्टफोनचे दोन व्हेरिएंट्समध्ये भारतात येतील. 

Realme C31 च्या बेस व्हेरिएंटमध्ये 3 जीबी रॅम आणि 32 जीबी इंटरनल स्टोरेज देण्यात येईल. तर मोठा व्हेरिएंट 4 जीबी रॅमसह 64 जीबी इंटरनल स्टोरेजला सपोर्ट करेल. तसेच हा फोन Dark Green आणि Light Silver कलरमध्ये विकत घेता येईल. हा एक बजेट फ्रेंडली स्मार्टफोन असेल, याची किंमत 10 हजारांच्या आत असू शकते.  

जागतिक बाजारात आलेल्या Realme C35 चे स्पेसिफिकेशन्स  

रियलमी सी35 स्मार्टफोनमधील 6.6 इंचाचा फुलएचडी+ वॉटर ड्रॉप डिस्प्ले 2408 x 1080 पिक्सल रिजोल्यूशनला सपोर्ट करतो. यात 600निट्स ब्राईटनेस आणि 180हर्ट्ज टच सॅम्पलिंग रेट देण्यात आला आहे. हा फोन अँड्रॉइड 11 बेस्ड रियलमी युआयच्या आर एडिशनवर चालतो. याला Unisoc T616 चिपसेटची प्रोसेसिंग पावर आणि एआरएम माली जी57 जीपीयू देण्यात आला आहे. सोबत 4GB RAM आणि 128GB पर्यंतची स्टोरेज मिळते.   

फोटोग्राफीसाठी या रियलमी फोनमध्ये ट्रिपल रियर कॅमेरा सेटअप मिळतो. ज्यात एलईडी फ्लॅशसह 50 मेगापिक्सलचा प्रायमरी सेन्सर, एक मॅक्रो लेन्स आणि एक ब्लॅक अँड व्हाईट लेन्स देण्यात आली आहे. फोनमधील फ्रंट कॅमेरा 8 मेगापिक्सलचा आहे. बेसिक कनेक्टिव्हिटीसह यात सिक्योरिटीसाठी साईड फिंगरप्रिंट सेन्सर आणि फेस अनलॉक फिचर मिळतं. तर पावर बॅकअपसाठी 5,000एमएएचची बॅटरी 18वॉट फास्ट चार्जिंग टेक्नॉलॉजीसह देण्यात आली आहे.   

हे देखील वाचा:

• ही बातमी वाचल्यावर नाचू लागतील OnePlus फॅन्स; कंपनी लवकरच सादर करणार सर्वात पावरफुल स्मार्टफोन
• आताच खरेदी करून ठेवा ‘हे’ गॅजेट्स; लवकरच बदलणार Smartphone पासून Refrigerator च्या किंमती