सर्वांच्या हातात असेल OnePlus चा 5G Phone; कंपनीनं सादर केला सर्वात स्वस्त हँडसेट
By सिद्धेश जाधव | Published: April 29, 2022 11:53 AM2022-04-29T11:53:27+5:302022-04-29T11:53:43+5:30
OnePlus Nord CE 2 Lite 5G स्मार्टफोनमध्ये 8GB RAM, Qualcomm Snapdragon 695 चिपसेट, 64MP कॅमेरा आणि 33W SuperVOOC फास्ट चार्जिंग असे फीचर्स देण्यात आले आहेत.
सर्वांच्या हातात असेल OnePlus चा 5G Phone; कंपनीनं सादर केला सर्वात स्वस्त हँडसेट
Next OnePlus भारतात 20 हजार रुपयांच्या आत 5G स्मार्टफोन सादर करणार असल्याची बातमी गेले कित्येक दिवस येत होती. अखेरीस कंपनीनं भारतात आपला सर्वात स्वस्त डिवाइस OnePlus Nord CE 2 Lite 5G लाँच केला आहे. ज्यात 8GB RAM, Qualcomm Snapdragon 695 चिपसेट, 64MP कॅमेरा आणि 33W SuperVOOC फास्ट चार्जिंग असे फीचर्स देण्यात आले आहेत.
OnePlus Nord CE 2 Lite 5G चे स्पेसिफिकेशन्स
OnePlus Nord CE 2 Lite 5G मध्ये ऑक्टाकोर प्रोसेसरसह क्वॉलकॉम स्नॅपड्रॅगन 695 चिपसेट देण्यात आला आहे. सोबत 8GB पर्यंत रॅम आणि 128GB स्टोरेज मिळते. हा फोन अँड्रॉइड 12 ओएसवर आधारित आक्सिजन ओएस 12.1 वर चालतो. बेसिक कनेक्टिव्हिटी ऑप्शन्ससह यात साईड फिंगरप्रिंट सेन्सर आणि फेस अनलॉकची सुरक्षा मिळते. पावर बॅकअपची जबाबदारी डिवाइसमधील 5000mAh ची बॅटरी 33W फास्ट चार्जिंगच्या मदतीनं सांभाळते.
वनप्लस नॉर्ड सीई 2 लाईट मध्ये 6.59 इंचाचा फुलएचडी+ आयपीएस एलसीडी डिस्प्ले देण्यात आला आहे. जो 120हर्ट्ज रिफ्रेश रेटला सपोर्ट करतो. फोटोग्राफीसाठी ट्रिपल रियर कॅमेरा सेटअप आहे. ज्यात एलईडी फ्लॅशसह 64 मेगापिक्सलचा प्रायमरी सेन्सर, 8 मेगापिक्सल अल्ट्रावाईड अँगल लेन्स आणि 2 मेगापिक्सलची मॅक्रो लेन्स आहे. फ्रंटला 16 मेगापिक्सलचा फ्रंट कॅमेरा मिळतो.
OnePlus Nord CE 2 Lite 5G ची किंमत
वनप्लस नॉर्ड सीई 2 लाईट 5जी फोनच्या बेस व्हेरिएंटमध्ये 6 जीबी रॅम व 128 जीबी इंटरनल स्टोरेज मिळते, ज्याची किंमत फक्त 19,999 रुपये ठेवण्यात आली आहे. तर 8 जीबी रॅम व 128 जीबी इंटरनल स्टोरेज असलेला मॉडेल 21,999 रुपये आहे. OnePlus Nord CE 2 Lite 5G ची विक्री 30 एप्रिलपासून करण्यात येईल.