ब्लूटूथ कॉलिंग फिचरसह Crossbeats Ignite Pro आणि Ignite S3 Pro स्मार्ट वॉच भारतात लाँच
By सिद्धेश जाधव | Published: October 2, 2021 12:40 PM2021-10-02T12:40:04+5:302021-10-02T12:40:21+5:30
Budget Smart Watch With Bluetooth Calling: Crossbeats ने भारतात आपले दोन स्मार्ट वॉच Ignite S Pro आणि Ignite S3 Pro सादर केले आहेत.
ब्लूटूथ कॉलिंग फिचरसह Crossbeats Ignite Pro आणि Ignite S3 Pro स्मार्ट वॉच भारतात लाँच
Next Crossbeats ने भारतात आपले दोन स्मार्ट वॉच सादर केले आहेत. यात 2,999 रुपयांच्या एंट्री लेव्हल Ignite S Pro आणि 5,999 रुपयांच्या Ignite S3 Pro चा समावेश आहे. हे दोन्ही स्मार्ट वॉच ब्लूटूथ कॉलिंग आणि मोठ्या स्क्रीनसह सादर करण्यात आले आहेत. हे दोन्ही मॉडेल कंपनीच्या अधिकृत स्टोरसह अ‍ॅमेझॉन इंडियावरून विकत घेता येतील.
Ignite S3 Pro आणि Ignite S Pro चे स्पेक्स
या स्मार्ट वॉचमध्ये 1.7 इंचाचा एचडी आयपीएस डिस्प्ले मिळतो. हा डिस्प्ले 600 निट्स पीक ब्राईटनेस आणि 320×380 पिक्सल रिजोल्यूशनला सपोर्ट करतो. यात कंपनीने स्प्लिट स्क्रीन फीचर देखील दिले आहे. या फिचरचा वापर करून युजर टाइम विजेटसह कस्टमाइज्ड विजेट देखील ठेऊ शकतात. तसेच यात ऑल्वेज ऑन डिस्प्ले मोड आणि अ‍ॅडव्हान्स हेल्थ फीचर मिळतात. या स्मार्ट वॉचमध्ये हार्ट , MET आणि प्रेशर मॉनिटरिंग फीचर मिळतात. ब्लूटूथ कॉलिंग सपोर्टसह येणाऱ्या या स्मार्ट वॉचमध्ये 13 डायनॅमिक स्पोर्ट्स मोड मिळतात.
Ignite S Pro हा कंपनीचा एंट्री लेव्हल स्मार्ट वॉच आहे, जो 1.7 इंचाचा डिस्प्लेसह सादर करण्यात आला आहे. दोन्ही स्मार्ट वॉच IP67 सर्टिफाइड आहेत, त्यामुळे हे धूळ आणि पाण्यापासून वाचतात. S Pro वॉचमध्ये 10 स्पोर्ट्स मोड मिळतात. तसेच हार्ट रेट, SpO2 ब्लड ऑक्सीजन लेव्हल मॉनिटरिंग आणि स्ट्रेस मॉनिटरिंग असे हेल्थ फिचर मिळतात.