फक्त 25,000 रुपयांमध्ये विकत घेता येणार 'हा' आयफोन; Flipkart ने केली डिस्काउंटची घोषणा
By सिद्धेश जाधव | Published: September 29, 2021 07:45 PM2021-09-29T19:45:15+5:302021-09-29T19:45:27+5:30
Flipkart Big Billion Days Sale Offers: Apple च्या गेल्यावर्षी लाँच झालेल्या या एंट्री लेव्हल iPhone SE 2020 स्मार्टफोनवर 15,000 रुपयांपर्यंतचा डिस्काउंट मिळणार आहे.
फक्त 25,000 रुपयांमध्ये विकत घेता येणार 'हा' आयफोन; Flipkart ने केली डिस्काउंटची घोषणा
Next अ‍ॅपल आयफोन्स घेण्याचा विचार करत असाल तर आगामी फेस्टिव्हल सेलमध्ये तुम्हाला चांगल्या ऑफर्स मिळू शकतात. आता Flipkart Big Billion Days सेलमधील आयफोन्सवरील ऑफर्सची माहिती मिळू लागली आहे. 3 ऑक्टोबरला सुरु होणाऱ्या या सेलमधील iPhone SE 2020 वर जबरदस्त डिस्काउंट देण्यात येईल. Apple च्या गेल्यावर्षी लाँच झालेल्या या एंट्री लेव्हल iPhone SE 2020 स्मार्टफोनवर 15,000 रुपयांपर्यंतचा डिस्काउंट मिळणार आहे.
iPhone SE 2020 वरील ऑफर
Flipkart Big Billion Days सेलमध्ये iPhone SE 2020 वर जबरदस्त डिस्काउंट देण्यात येईल. या डिस्काउंटमुळे हा स्मार्टफोन 25,999 रुपयांमध्ये विकत घेता येईल. त्याचबरोबर या फोनवर बँक डिस्काउंट देखील देण्यात येईल. त्यामुळे iPhone SE 2020 ची प्रभावी किंमत 24,499 रुपये होईल.
iPhone SE 2020 चे स्पेसीफिकेशन्स
iPhone SE 2020 मध्ये 4.7-इंचाचा रेटिना एचडी आयपीएस एलसीडी डिस्प्ले देण्यात आला आहे. हा डिस्प्ले 625 नीट्स ब्राईटनेस, HDR10, डॉल्बी व्हिजन आणि ट्रू टोनला सपोर्ट करतो. या फोनमध्ये Touch ID साठी बटन देण्यात आले आहे. फोनच्या बॅक पॅनलवर 12MP चा कॅमेरा देण्यात आला आहे. हा फोन 5MP च्या फ्रंट कॅमेऱ्यासह सादर करण्यात आला आहे. या एंट्री लेव्हल आयफोनमध्ये वायरलेस चार्जिंग आणि IP67 डस्ट आणि वॉटर रेजिस्टन्स देण्यात आले आहे.