सावधान! मोबाईलवर आलेला 'तो' एक मेसेज ठरेल धोकादायक; रिकामं होईल खातं; 'अशी' घ्या काळजी
By ऑनलाइन लोकमत | Published: October 31, 2021 07:45 PM2021-10-31T19:45:40+5:302021-10-31T19:47:38+5:30
Fraud alert do not click on links in message of festival gift : लोकांचा कल हा ऑनलाईन खरेदी करण्याकडे अधिक आहे. मात्र असं असताना हॅकर्स आणि ऑनलाईन फसवणूक करणारे गुन्हेगार सक्रिय झालेत.
सावधान! मोबाईलवर आलेला 'तो' एक मेसेज ठरेल धोकादायक; रिकामं होईल खातं; 'अशी' घ्या काळजी
Next नवी दिल्ली - देश सध्या कोरोनाच्या संकटाचा सामना करत आहे. याच दरम्यान लोकांचा कल हा ऑनलाईन खरेदी करण्याकडे अधिक आहे. मात्र असं असताना दुसरीकडे हॅकर्स आणि ऑनलाईन फसवणूक करणारे गुन्हेगार लोकांचे आर्थिक नुकसान करण्यासाठी सक्रिय झाले आहेत. सायबर गुन्हेगार दिवाळी गिफ्ट, गिफ्ट व्हाउचर, मोठ्या डिस्काउंटवर खरेदी किंवा लॉटरी असे मेसेज पाठवतात. जर तुम्हालाही असा मेसेज आला असेल तर त्यावर विचारपूर्वक क्लिक करा. कारण एका छोट्याशा चुकीमुळे तुमचे बँक खाते पूर्णपणे रिकामे होऊ शकते. मोठा आर्थिक फटका बसू शकतो.
मोबाईलवर गिफ्ट व्हाऊचरची लिंक पाठवून तुम्हाला तुमच्या एटीएम-डेबिट कार्ड माहिती (ATM/Debit Card Details) विचारली जात असल्यास वेळीच सावध व्हा. तसेच पेमेंट दरम्यान जर कोणी तुम्हाला OTP विचारला तर समजा की तुम्ही हॅकर्सचे टार्गेट आहात. तसं पाहिलं तर कोणतीही बँक किंवा वित्तीय संस्था पेमेंट करताना ग्राहकांकडून ओटीपी मागत नाही. जर एखादी अनोळखी व्यक्ती किंवा लिंक नवीन एप डाउनलोड करण्यास सांगत असेल तर समजून घ्या की तुम्ही हॅकिंगचे शिकार होऊ शकता.
ऑनलाइन फसवणूक करणारे गुन्हेगार प्रथम लॉटरी सोडतीची लिंक किंवा वस्तूंवर मोठी सवलत असे मेसेज व्हॉट्सएप किंवा टेक्स्ट मेसेजद्वारे पाठवतात. त्यात दिलेली माहिती वाचण्यासाठी बहुतेक लोक लिंकवर क्लिक करतात. तुम्ही लिंकवर क्लिक केल्यास तुमच्या Google Pay किंवा PhonePe द्वारे काही पैसे कापले जातात. तुम्ही चुकून ओटीपी दिल्यास त्यांना तुमच्या बँक खात्याचा पूर्ण एक्सेस मिळतो.
'अशी' घ्या काळजी
- कमी पैसे खात्यातून काढले गेले म्हणून अकाऊंट फक्त ब्लॉक करून दुर्लक्ष करू नका. जवळच्या पोलीस ठाण्यात जाऊन याबाबत तक्रार नोंदवा.
- तुमच्या PhonePe, Google Pay किंवा इतर UPI मध्ये OTP केल्यानंतर पेमेंटची सेटिंग करा. कोणी OTP मागितला तर तो देऊ नका.
- जर एखाद्या अज्ञात व्यक्तीने तुमच्या खात्याची माहिती मागितली तर ती देऊ नका. कोणतीही बँक खाते किंवा एटीएम-डेबिट कार्ड तपशील विचारत नाही.
- जर तुम्हाला कोणत्याही लिंकमध्ये अनोळखी एप डाऊनलोड करून पेमेंट करण्यास सांगितले जात असेल तर तसं करू नका.
- कोणाच्या सांगण्यावरून Any Desk, Team Viewer किंवा इतर कोणतेही एप डाउनलोड करू नका. याच्या मदतीने हॅकर्सना तुमच्या सिस्टीम किंवा मोबाईलमध्ये प्रवेश मिळेल. एका हिंदी वेबसाईटने याबाबतचे वृत्त दिले आहे.