SonyLIV च्या सब्सस्क्रिप्शनसाठी द्यावे लागणार नाहीत पैसे! मोफत बघा चित्रपट आणि वेब सीरिज  

Vodafone Idea नं सादर केलेल्या नव्या रिचार्ज प्लॅन सोबत SonyLIV चं सब्सक्रिप्शन मोफत मिळणार आहे.  

Vodafone Idea नं आपला नवीन प्रीपेड प्लॅन लाँच केला आहे. या प्लॅनची खासियत म्हणजे यासोबत SonyLIV चं सब्सस्क्रिप्शन मोफत मिळेल. तसेच डेटा देखील मोफत देण्यात येत आहे. हा एक अ‍ॅड-ऑन पॅक आहे. त्यामुळे जर तुम्हाला तुमच्या मुख्य प्लॅन सोबत जास्त डेटा हवा असेल तर तुम्ही या रिचार्जचा वापर करून अतिरिक्त डेटा मिळवू शकता.  

Vodafone Idea Rs 82 Prepaid Plan 

Vi (Vodafone Idea) च्या प्लॅनची किंमत 82 रुपये ठेवण्यात आली आहे. या प्रीपेड रिचार्ज प्लॅनमध्ये एकूण 4GB डेटा मिळतो. हा एक अ‍ॅड-ऑन पॅक असल्यामुळे तुम्ही या रिचार्ज प्लॅनचा वापर तुम्ही अतिरिक्त डेटा मिळवण्यासाठी करू शकता. परंतु फक्त डेटा बेनिफिट्ससाठी सादर करण्यात आला नाही. सोबत ओटीटी सब्सस्क्रिप्शन देखील मिळतं. या प्लॅनमध्ये एकूण 14 दिवसांची वैधता देखील मिळते. परंतु ओटीटी सब्सस्क्रिप्शनची वैधता वेगळी आहे.  

सोनीलिव सब्सस्क्रिप्शन  

वोडाफोन आयडियाच्या 82 रुपयांच्या प्लॅन सोबत SonyLIV प्रीमियम सब्सस्क्रिप्शन मोफत देण्यात येत आहे. या सब्सस्क्रिप्शनची वैधता 28 दिवस असेल. SonyLIV प्रीमियम युजर्सना प्लॅटफॉर्मवरील Scam 1992, Maharani सह अन्य लोकप्रिय वेब सीरीज बघता येतील. या सब्सस्क्रिप्शनचा वापर फक्त मोबाईलवरून करता येईल, त्यामुळे स्मार्ट टीव्ही किंवा लॅपटॉपवर हा कंटेंट बघता येईल.  

याबरोबरीनेच ‘वी’ने आपल्या ग्राहकांसाठी ‘वी’ ऍपवर वी मुव्हीज अँड टीव्हीवर (व्हीएमटीव्ही) आकर्षक कंटेंटचा भरपूर मोठा, वैविध्यपूर्ण साठा उपलब्ध करवून दिला आहे. व्हीएमटीव्ही ऍपवर 450 पेक्षा जास्त लाईव्ह टीव्ही चॅनेल्स, लाईव्ह न्यूज चॅनेल्स तसेच इतर ओटीटी ऍप्सवरील प्रीमियम कंटेंट पाहता येतो.