66W फास्ट चार्जिंग, 108MP कॅमेऱ्यासह लाँच झाला Honor 50 SE; किंमत देखील आहे किफायतशीर  

Honor 50 SE launch: Honor 50 सीरिजमधील सर्वात छोटा, स्वस्त असा Honor 50 SE मध्ये मीडियाटेकचा डायमंसिटी 900 प्रोसेसर देण्यात आला आहे.  

Honor 50 series सीरीज कंपनीने लाँच केली आहे. या सीरीजअंतगर्त Honor 50, Honor 50 Pro आणि Honor 50 SE असे तीन स्मार्टफोन चीनमध्ये लाँच केले आहेत. ऑनर कंपनी गेल्यावर्षी चीनच्या बाहेरील कंपनीला विकल्या गेल्यामुळे कंपनीच्या या फोन्समध्ये Google Mobile Services सपोर्ट देण्यात आला आहे. या सीरिजमधील सर्वात छोट्या परंतु तेवढ्याच दमदार Honor 50 SE बाबत आपण या लेखात माहिती घेणार आहोत. इथे क्लिक करून तुम्ही Honor 50 आणि Honor 50 Pro ची माहिती घेऊ शकता. (Honor 50 se launched in china at 2,399 RMB) 

Honor 50 SE चे स्पेसिफिकेशन्स 

Honor 50 SE स्मार्टफोनमध्ये 6.78-इंचाचा FHD+ LTPS LCD डिस्प्ले देण्यात आला आहे. हा डिस्प्ले 120Hz रिफ्रेश रेटला सपोर्ट करतो. या स्मार्टफोनमध्ये कंपनीने MediaTek Dimensity 900 SoC आणि Mali-G68 MC4 GPU दिला आहे. या 8GB RAM, आणि 256GB पर्यंतची स्टोरेज आहे. Android 11 वर आधारित हा फोन Magic UI 4.2 वर चालतो.  

Honor 50 SE मध्ये ट्रिपल रियर कॅमेरा सेटअप मिळतो. या फोनचा मुख्य कॅमेरा 108MP चा आहे. या मुख्य कॅमेऱ्याला 8MP अल्ट्रा वाइड अँगल आणि 2MP च्या मॅक्रो कॅमेऱ्याची जोड देण्यात आली आहे. ऑनरचा हा फोन 16MP च्या फ्रंट कॅमेऱ्याला सपोर्ट करतो. साइड माउंडेट फिंगरप्रिंट सेन्सर असेलल्या या फोनमध्ये 4,000mAh ची बॅटरी आहे, जी 66W SuperCharge फास्ट चार्जिंगला सपोर्ट करते. 

Honor 50 SE ची किंमत  

Honor 50 SE स्मार्टफोनच्या 8GB/128GB मॉडेलची किंमत 2,399 RMB (अंदाजे 27,600 रुपये) आणि 8GB/256GB मॉडेलची किंमत 2,699 RMB (अंदाजे 31,000 रुपये) आहे. हा फोन 2 जुलैपासून खरेदीसाठी उपलब्ध होईल.