HONOR ने सादर केले दोन नवीन 5G Phone; बजेट फ्रेंडली Honor X30i आणि Honor X30 Max लाँच  

Honor X30i And X30 Max 5G Phone Price And Details: कंपनीने Honor X30i आणि Honor X30 Max नावाचे दोन स्मार्टफोन ग्राहकांच्या भेटीला आणले आहेत.  

HONOR ने आपला प्रोडक्ट पोर्टफोलियो वाढवण्याचा सपाटा चालूच ठेवला आहे. कालच कंपनीने Honor 50 आणि Honor 50 Lite हे दोन फोन जागतिक बाजारात उतरवले होते. तर आज ऑनरने चीनमध्ये दोन नवीन 5G Phone सादर केले आहेत. कंपनीने Honor X30i आणि Honor X30 Max नावाचे दोन स्मार्टफोन ग्राहकांच्या भेटीला आणले आहेत.  

Honor X30i 5G Phone चे स्पेक्स  

Honor X30i 5G मध्ये 6.7 इंचाचा फुलएचडी+ डिस्प्ले 90Hz रिफ्रेश रेटसह देण्यात आला आहे. या फोनला मीडियाटेक डिमेनसिटी 810 चिपसेटची प्रोसेसिंग पॉवर देण्यात आली आहे. त्याचबरोबर 8GB पर्यंतचा RAM आणि 256GB पर्यंतची स्टोरेज मिळते. या अँड्रॉइड फोनमधील ट्रिपल रियर कॅमेरा सेटअपमध्ये 48MP चा प्रायमरी सेन्सर, 2MP ची मॅक्रो लेन्स आणि 2 MP चा डेप्थ सेन्सर आहे. या फोनमध्ये 8MP चा फ्रंट कॅमेरा आहे. पॉवर बॅकअपसाठी हा ऑनर फोन 22.5W फास्ट चार्जिंगसह 4000mAh ची बॅटरी देण्यात आली आहे.  

Honor X30 Max 5G Phone चे स्पेक्स  

Honor X30 Max 5G मध्ये 7.09 इंचाचा मोठा डिस्प्ले देण्यात आला आहे. हा डिस्प्ले फुलएचडी+ रिजोल्यूशनला सपोर्ट करतो. यात मीडियाटेकचा डिमेनसिटी 900 5G चिपसेट आहे. तसेच यात 8GB RAM आणि 256GB पर्यंतची इंटरनल स्टोरेज आहे. Honor X30 Max मध्ये 64MP + 2MP चा ड्युअल कॅमेरा सेटअप आहे. त्याचबरोबर 8 MP फ्रंट कॅमेरा मिळतो. पॉवर बॅकअपसाठी या अँड्रॉइड डिवाइसमध्ये 5000mAh बॅटरी देण्यात आली आहे.  

किंमत  

• Honor X30i 6GB/128GB: CNY 1,399 (सुमारे 16,300 रुपये) 
• Honor X30i 8GB/128GB: CNY 1,699 (सुमरे 19,800 रुपये) 
• Honor X30i 8GB/256GB: CNY 1,899 (सुमारे 22,000 रुपये) 
• Honor X30 Max 8GB/128GB: CNY 2,399 (सुमारे 28,000 रुपये)  
• Honor X30 Max 8GB/256GB: CNY 2,699 (सुमारे 31,600 रुपये)