Infinix चा बजेट फ्रेंडली लॅपटॉप आणि स्मार्टफोन सीरिज लवकरच होणार भारतात लाँच; कंपनीने दिली माहिती
By सिद्धेश जाधव | Published: November 2, 2021 05:35 PM2021-11-02T17:35:25+5:302021-11-02T17:35:35+5:30
Infinix Note 11 Pro India Launch Price: Infinix INBook X1 लॅपटॉप आणि Infinix Note 11 series चे स्मार्टफोन पुढील महिन्यात भारतीयांच्या भेटीला येणार असल्याची माहिती कंपनीने दिली आहे.
Infinix चा बजेट फ्रेंडली लॅपटॉप आणि स्मार्टफोन सीरिज लवकरच होणार भारतात लाँच; कंपनीने दिली माहिती
Next Infinix Note 11 Pro India Launch Price: Infinix ने काही दिवसांपूर्वी Infinix INBook X1 लॅपटॉप आणि Infinix Note 11 series चे स्मार्टफोन जागतिक बाजारात उतरवले होते. आता हे डिवाइस कंपनी डिसेंबरमध्ये भारतात सादर करणार आहे, याची माहिती कंपनीने दिली आहे. Infinix INBook X1 लॅपटॉप कंपनीचा पहिला लॅपटॉप आहे, तर Infinix Note 11 series जुन्या Infinix Note 10 series ची जागा घेईल.
Infinix INBook X1 चे स्पेसिफिकेशन्स
Infinix INBook X1 हा कंपनीचा पहिला लॅपटॉप आहे. जो Noble Red, Starfull Grey, आणि Aurora Green कलरमध्ये सादर केला जाऊ शकतो. हे लॅपटॉप Intel Core i3, i5, आणि i7 प्रोसेसरसह विकत घेता येईल. तसेच यात Type-C चार्जिंग केबल देण्यात येईल, असे कंपनीने सांगितले आहे. याआधी हे लॅपटॉप फिलिफिन्समध्ये दाखल झाले आहेत.
Infinix Note 11 Pro चे स्पेसिफिकेशन्स
Infinix Note 11 Pro स्मार्टफोनमध्ये 6.95-इंचाचा फुल एचडी+ एलसीडी डिस्प्ले मिळतो. विशेष म्हणजे 120Hz रिफ्रेश रेटला सपोर्ट करणारा हा कंपनीचा पहिलाच फोन आहे. हा डिवाइस 180Hz टच सॅंप्लिंग रेटला सपोर्ट करतो. या स्मार्टफोनला MediaTek Helio G96 चिपसेटची प्रोसेसिंग पॉवर देण्यात आली आहे. त्याचबरोबर 8GB RAM आणि 128GB 2 स्टोरेज मिळते. यातील एक्सटेंडेड रॅम फिचरच्या मदतीने 3GB अतिरिक्त रॅम मिळतो.हा फोन Android 11 वर आधारित XOS 10 वर चालतो.
Infinix Note 11 Pro च्या बॅक पॅनलवर ट्रिपल कॅमेरा सेटअप आहे. ज्यात 64-मेगापिक्सलचा मुख्य कॅमेरा, 30x डिजिटल झूम असलेला 13-मेगापिक्सलचा टेलीफोटो कॅमेरा आणि 2-मेगापिक्सलचे बोकेह लेन्स मिळते. यातील फ्रंट कॅमेरा 16 मेगापिक्सलचा सेन्सर आहे. फोनमध्ये 5,000mAh ची बॅटरी 33W फास्ट चार्जिंगसह देण्यात आली आहे.