भारतीयांचं स्वस्तात 5G iPhone घेण्याचं स्वप्न आज पूर्ण होणार; iPhone SE 3 ची प्री-बुकिंग आजपासून सुरु 

iPhone SE 3 Price In India: iPhone SE 3 ची प्री-बुकिंग आजपासून भारतात कंपनीच्या वेबसाईटवरून सुरु केली जाणार आहे. हा डिवाइस कंपनी एंट्री लेव्हल फोन म्हणून सादर केला आहे.  

iPhone SE 3 Price In India: iPhone SE 3 ची आजपासून भारतात प्री-बुकिंग सुरु होणार आहे. 11 मार्च संध्यकाळी 6.30 वाजल्यापासून तुम्ही हा फोन कंपनीच्या वेबसाईटवरून बुक करू शकता. कंपनीनं या फोनचे मिडनाईट ब्लॅक, स्टारलाईट व्हाईट आणि रेड असे तीन कलर व्हेरिएंट सादर केले आहेत.  

iPhone SE 3 Price In India

Apple iPhone SE 3 स्मार्टफोनच्या 64GB स्टोरेजची किंमत 43,900 रुपये आहे. तर 128GB स्टोरेज मॉडेल तुम्ही 48,900 रुपयांमध्ये विकत घेता येईल. टॉप एन्ड 256GB मॉडेलसाठी तुम्हाला 58,900 रुपये मोजावे लागतील. या फोनची विक्री 18 मार्चपासून सुरु होईल. तुम्ही हा फोन तुमचा जुना स्मार्टफोन एक्सचेंज करून डिस्काउंटसह विकत घेऊ शकता.  

Apple iPhone SE (2022) चे स्पेसिफिकेशन्स  

Apple iPhone SE (2022) ची डिजाईन जुन्या iPhone 8 सारखी आहे. या आयफोनच्या बॅक आणि फ्रंटला देण्यात आलेली ग्लास कोणत्याही स्मार्टफोनमधील सर्वात मजबूत ग्लास आहे. सिक्योरिटीसाठी यात Touch ID देण्यात आली आहे. तसेच यातील IP67 रेटिंग पाणी आणि धुळीपासून वाचवते. हा डिवाइस Red, Black आणि White कलर ऑप्शन्समध्ये विकत घेता येईल. 

Apple iPhone SE (2022) मध्ये गेल्यावर्षी आलेल्या फ्लॅगशिप iPhone 13 सीरिजच्या A15 Bionic प्रोसेसरचा वापर करण्यात आला आहे. या पावरफुल चिपसेटसह कंपनीनं 5G कनेक्टिव्हिटी देखील दिली आहे. हा फोन iOS 15 वर चालेल, तसेच यात फोकस मोड सारखे फीचर्स देण्यात आले आहेत. फोनच्या मागे 12MP चा सिंगल कॅमेरा आहे, जो Deep Fusion, Smart HDR 4 आणि फोटो स्टाईलला सपोर्ट करतो. यात चांगली व्हिडीओ रेकॉर्डिंग क्वॉलिटी मिळेल, असा दावा कंपनीनं केला आहे. 

हे देखील वाचा:

• ना ओप्पो, ना विवो, शाओमीलाही झेपलं नाही! ‘या’ कंपनीनं काही दिवसांत केली 1500 कोटी रुपयांच्या फोन्सची विक्री
• Realme नं सादर केला दमदार ‘Speed Edition’ फोन; कमी किंमतीत सुपर फास्ट परफॉर्मन्स 
• स्वस्त आणि नवीन iPhone SE (2022) घ्यावा कि त्याच किंमतीत iPhone 12 सीरिजचा मॉडेल निवडावा?