7 हजारांच्या आत सादर होऊ शकतो Realme Narzo 50i; रेडमीला आव्हान देण्यासाठी रियलमी सज्ज 

Realme Narzo 50i Price in India: Narzo 50A नंतर सीरिजमधील अजून एक स्मार्टफोन Realme Narzo 50i ची माहिती समोर आली आहे. लिक्सनुसार हा स्मार्टफोन लो बजेट सेगमेंटमध्ये सादर केला जाऊ शकतो.  

Realme Narzo 30 सीरिजनंतर कंपनी थेट Narzo 50 सीरिज सादर करणार आहे. या सीरिजमधील Realme Narzo 50A स्मार्टफोनची माहिती टेक वर्तुळात येऊ लागली आहे. अलीकडेच आलेल्या प्रेस रेंडरमधून या स्मार्टफोनच्या डिजाईनचा खुलासा झाला होता. आता Narzo 50A नंतर सीरिजमधील अजून एक स्मार्टफोन Realme Narzo 50i ची माहिती समोर आली आहे. लिक्सनुसार हा स्मार्टफोन लो बजेट सेगमेंटमध्ये सादर केला जाऊ शकतो.  

Realme Narzo 50i  

रियलमी आपल्या नारजो सीरिजमध्ये लवकरच नारजो 50आय स्मार्टफोन सादर करणार आहे, अशी माहिती प्रसिद्ध टिपस्टर मुकुल शर्माने दिली आहे. नारजो 50आय स्मार्टफोन या सीरिजमधील सर्वात स्वस्त स्मार्टफोन असू शकतो. समोर आलेले स्पेसिफिकेशन्स पाहता या स्मार्टफोनची किंमत भारतात 7,000 रुपयांच्या आसपास ठेवण्यात येईल. या किंमतीची कोणतीही अधिकृत माहिती मिळाली नाही, हा फक्त स्पेसिफिकेशन्स बघून लावलेला अंदाज आहे.  

रियलमी नारजो 50आय स्मार्टफोनचे दोन व्हेरिएंट भारतात सादर केले जाऊ शकतात. या फोनचा छोटा व्हेरिएंट 2GB RAM आणि 32GB Storage सह बाजारात येईल. तर मोठ्या मॉडेलमध्ये 4GB RAM आणि 64GB Storage मिळू शकते. Realme Narzo 50i स्मार्टफोन भारतात Mint Green आणि Carbon Black अश्या दोन रंगात खरेदीसाठी उपलब्ध होईल. 

Realme Narzo 50A चे स्पेसिफिकेशन्स  

अजूनतरी रियलमी नारजो 50ए स्मार्टफोन्सचे जास्त स्पेक्स समोर आले नाहीत. या फोनमध्ये 13 मेगापिक्सलचा मुख्य रियर कॅमेरा मिळू शकतो. तसेच फ्रंट पॅनलवरील सेल्फी कॅमेरा 8 मेगापिक्सलचा असू शकतो. इतर स्पेसिफिकेशन्स Realme Narzo 30A पेक्षा अपग्रेडेड असतील किंवा सामान असतील.