घरीच मिळावा मोठी स्क्रीन! खूप कमी किंमतीत आला Xiaomi चा 70 इंचाचा जबरदस्त Smart TV 

4K Mi Smart TV: Xiaomi Mi TV EA70 2022 मध्ये 70 इंचाचा मोठा डिस्प्ले देण्यात आला आहे. सध्या चीनमध्ये लाँच झालेला हा स्मार्ट टीव्ही लवकरच जागतिक बाजारात सादर केला जाऊ शकतो.

4K Mi Smart TV:  Xiaomi नं आपला नवीन स्मार्ट टीव्ही मॉडेल बाजारात आणला आहे. या टीव्हीचं नाव Mi TV EA70 2022 असून, हा 70-इंचाच्या डिस्प्लेसह ग्राहकांच्या भेटीला आला आहे. हा एक 4K स्मार्ट टीव्ही आहे, जो प्रीमियम डिजाईन आणि मोठ्या कन्टेन्ट लायब्ररीसह लाँच झाला आहे. सध्या चीनमध्ये लाँच झालेला हा टीव्ही लवकरच जागतिक बाजारात सादर होईल.  

Xiaomi Mi TV EA70 2022 ची किंमत 

Xiaomi Mi TV EA70 2022 चीनमध्ये 3,299 युआन मध्ये सादर करण्यात आला आहे. ही किंमत जवळपास 38,800 भारतीय रुपयांमध्ये रुपांतरीत होते. ही किंमत 70 इंचाच्या इतर टीव्ही मॉडेल्सच्या तुलनेत खूप कमी आहे. कंपनीनं टीव्ही फक्त ब्लॅक कलर व्हेरिएंटमध्ये सादर केला आहे.  

Xiaomi Mi TV EA70 2022 चे स्पेसिफिकेशन्स 

Xiaomi Mi TV EA70 2022 मध्ये 70-इंचाचा डिस्प्ले देण्यात आला आहे. जो 3,840x2,160 पिक्सल रिजोल्यूशन 176-डिग्री व्यूइंग अँगल आणि 300 निट्स ब्राईटनेसला सपोर्ट करतो. हा टीव्ही माली जीपीयूसह क्वॉड-कोर प्रोसेसर वर चालतो. सोबत 1.5GB रॅम आणि 8GB स्टोरेजसह देखील देण्यात आली आहे. हा टीव्ही शाओमी टीव्ही ब्लूटूथ व्हॉइस रिमोटसह आवाजाने नियंत्रित करता येतो.  

Xiaomi Mi TV EA70 2022 मध्ये कनेक्टिविटीसाठी ब्लूटूथ, वाय-फाय, आणि इन्फ्रारेड असे पर्याय मिळतात. सोबत दोन एचडीएमआय पोर्ट, एक एव्ही पोर्ट, एक एटीव्ही/डीटीएमबी पोर्ट, दोन यूएसबी पोर्ट, एक एस/पीडीआयएफ पोर्ट आणि एक ईथरनेट पोर्ट देण्यात आला आहे. टीव्ही मध्ये DTS-HD सपोर्टसह दोन 10W स्पिकर देण्यात आले आहेत.  

हे देखील वाचा:  

खुशखबर! iPhone स्वस्तात विकत घेण्याची सुवर्णसंधी; Apple प्रोडक्ट्सवर जबरदस्त डिस्काउंट

कॉल, चार्जिंग करताना स्मार्टफोन गरम होतो का? या टिप्स ठेवतील तुमचा फोन कूल