रेडमी-रियलमीच्या अडचणीत वाढ; 9,299 रुपयांमध्ये येतोय Moto E32s, दिवसभर पुरेल याची बॅटरी
By सिद्धेश जाधव | Published: June 1, 2022 06:37 PM2022-06-01T18:37:46+5:302022-06-01T18:41:31+5:30
Motorola Moto E32s स्मार्टफोन उद्या म्हणजे 2 जूनला भारतात लाँच होईल आणि याची विक्री Flipkart वरून केली जाईल.
रेडमी-रियलमीच्या अडचणीत वाढ; 9,299 रुपयांमध्ये येतोय Moto E32s, दिवसभर पुरेल याची बॅटरी
Next Motorola नं आपल्या आगामी स्मार्टफोन Moto E32s च्या भारतीय लाँचची माहिती दिली आहे. तसेच या हँडसेटची किंमत देखील फ्लिपकार्टच्या लिस्टिंगमधून समोर आली आहे. हा फोन भारतात 2 जून म्हणजे उद्या लाँच केला जाईल. भारतात येण्याआधी हा डिवाइस 27 मेला युरोपमध्ये लाँच केला गेला आहे. त्यामुळे हँडसेटच्या स्पेसिफिकेशन्सची माहिती मिळाली आहे.
किंमत
Flipkart लिस्टिंगनुसार, Moto E32s स्मार्टफोनची किंमत भारतात 9,299 रुपये असेल. हा हँडसेट JioMart आणि Reliance Digital वरून देखील विकत घेता येईल.
Moto E32s चे स्पेसिफिकेशन्स
यात 6.5-inch HD+ MaxVision डिस्प्ले मिळेल, ज्याचा रिफ्रेश रेट 90Hz असेल. तसेच, फोन MediaTek Helio G37 प्रोसेसरसह बाजारात येईल. सोबत 4GB पर्यंत RAM आणि 64GB पर्यंतची स्टोरेज मिळू शकते. मोटो ई32एस स्मार्टफोन Android 12-बेस्ड MyUX skin वर चालेल. सिक्योरिटीसाठी फोनमध्ये साइड-माउंटिड फिंगरप्रिंट सेन्सर मिळेल.
फोटोग्राफीसाठी Moto E32s मध्ये ट्रिपल रियर कॅमेरा सेटअप देण्यात येईल. यातील मुख्य कॅमेरा 16MP चा असेल. तसेच यात 2MP चा डेप्थ सेन्सर आणि 2MP चा मॅक्रो सेन्सर मिळेल. सेल्फी व व्हिडीओ कॉलिंगसाठी फोनमध्ये 8MP चा कॅमेरा दिला जाऊ शकतो. आगामी मोटोरोला फोनमध्ये 5,000mAh ची मोठी बटर मिळेल. जी 15W फास्ट चार्जिंगला सपोर्ट करेल.