108MP कॅमेऱ्यासह येणार Motorola Edge 20 सीरिज; 5 ऑगस्टला होणार लाँच
By सिद्धेश जाधव | Published: July 27, 2021 12:07 PM2021-07-27T12:07:11+5:302021-07-27T12:09:59+5:30
Motorola Edge 20 series: Motorola Edge 20 सीरिजमध्ये Motorola Edge 20, Motorola Edge 20 Pro आणि Motorola Edge 20 Lite असे तीन स्मार्टफोन्स लाँच केले जातील.
108MP कॅमेऱ्यासह येणार Motorola Edge 20 सीरिज; 5 ऑगस्टला होणार लाँच
Motorola लवकरच मिड रेंजमध्ये आपली नवीन स्मार्टफोन लाँच करणार आहे. Motorola Edge 20 सीरिजच्या लाँच डेटचा आता खुलासा झाला आहे. Motorola ने अधिकृतपणे सांगितले आहे कि 5 ऑगस्टला चीनमध्ये Motorola Edge 20 सीरीजचे हँडसेट सादर केले जातील. कंपनीने आपल्या अधिकृत वीबो हँडलवरून ही माहिती दिली आहे. या सीरीजमध्ये Motorola Edge 20, Motorola Edge 20 Pro आणि Motorola Edge 20 Lite असे तीन स्मार्टफोन्स लाँच केले जातील, अशी चर्चा आहे.
Motorola Edge 20 सीरीजचे संभाव्य स्पेसिफिकेशन्स
काही दिवसांपूर्वी मोटोरोला एज 20 प्रो स्मार्टफोन एनबीटीसी सर्टिफिकेशन साईटवर मॉडेल नंबर XT-2153-1 सह लिस्ट झाला होता. दुसरीकडे Motorola Edge 20 स्मार्टफोनमध्ये 6.67-इंचाचा फुल एचडी+ ओएलईडी डिस्प्ले दिला जाऊ शकतो. याआधी आलेल्या लिक्सनुसार या फोनमध्ये स्नॅपड्रॅगन 870 SoC असेल. तसेच हा फोन 6GB,8GB आणि 12GB रॅम व्हेरिएंटसह सादर केला जाऊ शकतो. हा मोटोरोला फोन अँड्रॉइड 11 ऑपरेटिंग सिस्टमवर चालेल. या फोनमध्ये ट्रिपल रियर कॅमेरा सेटअप असेल. ज्यात 108MP चा मुख्य कॅमेरा असू शकतो. पावर बॅकअपसाठी या फोनमध्ये 4230mAh ची बॅटरी 33W फास्ट चार्जिंगसह देण्यात येईल.
चिनी सर्टिफिकेशन साइट TENAA वर देखील Motorola Edge 20 आणि Motorola Edge 20 Pro स्मार्टफोन काही दिवसांपूर्वी लिस्ट करण्यात आले होते. या लिस्टिंगमधून Motorola Edge 20 च्या स्पेसिफिकेशनसह रेंडर्स देखील लीक झाले होते. लीकनुसार मोटोरोला एज 20 मध्ये मोठा डिस्प्ले आणि फ्रंट कॅमेऱ्यासाठी पंच होल कटआउटसह सादर केला जाईल.
