Moto G51 5G: Motorola च्या सर्वात स्वस्त 5G Phone वर मिळतेय सूट; फोनमध्ये 50MP कॅमेरा आणि 5000mAh ची बॅटरी

By सिद्धेश जाधव | Published: December 16, 2021 11:47 AM2021-12-16T11:47:56+5:302021-12-16T11:50:32+5:30

Moto G51 5G: Moto G51 5G स्मार्टफोन आजपासून Flipkart वर खरेदीसाठी उपलब्ध होईल. हा फोन डिस्काउंट आणि ऑफर्ससह विकत घेता येईल.

Motorola moto g51 5g first sale today on flipkart know price in india | Moto G51 5G: Motorola च्या सर्वात स्वस्त 5G Phone वर मिळतेय सूट; फोनमध्ये 50MP कॅमेरा आणि 5000mAh ची बॅटरी — Moto G51 5G: Motorola च्या सर्वात स्वस्त 5G Phone वर मिळतेय सूट; फोनमध्ये 50MP कॅमेरा आणि 5000mAh ची बॅटरी

Motorola नं गेल्या आठवड्यात आपला सर्वात स्वस्त 5G Phone भारतात सादर केला होता. आज Moto G51 5G स्मार्टफोनचा पहिला सेल आहे. हा फोन दुपारी 12 वाजल्यापासून Flipkart वरून विकत घेता येईल. हा फोन Snapdragon 480+ चिपसेट, 120Hz रिफ्रेश रेट असलेला डिस्प्ले, 50MP Camera आणि 5000mAh बॅटरी अशा फीचर्ससह विकत घेता येईल.

Moto G51 5G Price In India

Moto G51 स्मार्टफोनचा एकच व्हेरिएंट देशात आला आहे. ज्यात 4GB रॅम आणि 64GB स्टोरेज मिळते. कंपनीनं या फोनची किंमत 14,999 रुपये ठेवली आहे. हा मोटोरोला स्मार्टफोन ब्राईट सिल्वर आणि इंडिगो ब्लू कलरमध्ये विकत घेता येईल. या फोनच्या खरेदीवर एसबीआय कार्ड धारकांना 10 टक्के डिस्काउंट मिळेल. तसेच फ्लिपकार्ट पेनं पेमेंट केल्यास 100 रुपयांची सूट मिळेल.

Moto G51 5G Phone चे स्पेसिफिकेशन्स

Moto G51 स्मार्टफोनमध्ये Qualcomm च्या Snapdragon 480+ SoC ची प्रोसेसिंग पॉवर देण्यात आली आहे. तसेच हा फोन ग्राफिक्ससाठी Adreno 619 GPU ला सपोर्ट करतो. कंपनीने हा 4GB रॅम आणि 64GB स्टोरेजसह सादर केला आहे. या मोटोरोलाच्या 5G Phone मधील स्टोरेज वाढवण्यासाठी मायक्रो-एसडी कार्ड स्लॉट देण्यात आला आहे.

Moto G51 5G स्मार्टफोनमध्ये 6.8 इंचाचा FHD+ LCD डिस्प्ले देण्यात आला आहे. हा पंच होल डिस्प्ले 120Hz रिफ्रेश रेटला सपोर्ट करतो. पॉवर बॅकअपसाठी Moto G51 5G मध्ये 5,000mAh ची बॅटरी देण्यात आली आहे. या फोनमध्ये 3.5mm ऑडियो पोर्ट, USB Type-C पोर्ट, गुगल असिस्टंट बटन, IP52 रेटिंग, डॉल्बी अ‍ॅटमॉस आणि साइड माउंटेड फिगर प्रिंट सेन्सर देण्यात आला आहे.

Moto G51 चा कॅमेरा सेगमेंट पाहता, यात LED फ्लॅश असलेला ट्रिपल रियर कॅमेरा सेटअप मिळतो. या सेटअपमधील कॅमेऱ्याचे रिजोल्यूशन 50MP आहे. ज्याला 2MP च्या मॅक्रो कॅमेरा आणि 8MP च्या अल्ट्रा वाईड अँगल सेन्सरची जोड देण्यात आली आहे. या स्मार्टफोनमध्ये 13MP चा सेल्फी कॅमेरा मिळतो.

हे देखील वाचा:

सावधान! अँड्रॉईड फोनवर या 8 चुका करत असाल तर, घोटाळेबाजांना तुम्हीच मदत करताय

ओप्पोनं दिली सॅमसंगला मात; कमी किंमतीत सादर केला पहिला फोल्डेबल स्मार्टफोन

Web Title: Motorola moto g51 5g first sale today on flipkart know price in india

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

टॅग्स :