Noise Air Buds Mini झाले भारतात लाँच; कमी किंमतीत मिळत आहे टच कंट्रोल
By ऑनलाइन लोकमत | Published: June 4, 2021 04:54 PM2021-06-04T16:54:24+5:302021-06-04T16:56:01+5:30
Noise Air Buds launch: Noise Air Buds Mini फ्लिपकार्टवर 1,299 रुपयांमध्ये उपलब्ध आहेत.
Noise Air Buds Mini मध्ये Tru Bass टेक्नॉलॉजी देण्यात आली आहे त्यामुळे या बड्समध्ये खूप बेसची निर्मिती होते.
Noise ने Air Buds Mini ट्रू व्हायरलेस स्टीरियो (TWS) इयरबड्स भारतात लाँच केले आहेत. स्टेम स्टाईल डिजाईनसह येणाऱ्या या इयरबड्सचे वजन फक्त 4 ग्राम आहे. कमी किंमतीत पण हे बड्स टच कंट्रोल आणि वॉटर रेजिस्टन्स सारख्या फीचर्ससह येतात. (Noise launches Noise Air Buds Mini earbuds at 1499 Rs. Will be available from 25 June)
Noise Air Buds Mini ची किंमत
Noise Air Buds Mini भारतात 1,499 रुपयांमध्ये लाँच केले गेले आहेत. हे बड्स जेट ब्लॅक आणि पर्ल व्हाइट रंगात उपलब्ध होतील. यांची विक्री Noise च्या अधिकृत वेबसाईटवरून आणि Flipkart वरून 25 जूनपासून केली जाईल.
Noise Air Buds Mini चे स्पेसिफिकेशन्स आणि फीचर्स
Noise Air Buds Mini मध्ये 14.2mm चे ड्राइवर्स देण्यात आले आहेत. यात Tru Bass टेक्नॉलॉजी देण्यात आली आहे त्यामुळे या बड्समध्ये खूप बेसची निर्मिती होते. इयरबड्समध्ये कनेक्टिविटीसाठी Bluetooth v5 देण्यात आलं आहे. अँड्रॉइड आणि आयओएस दोन्ही प्रकारच्या डिवाइसेजसोबत हे बड्स वापरता येतील. एकदा चार्ज केल्यावर हे इयरबड्स 3.5 तास चालतात आणि जर चार्जिंग केस सोबत असेल तर 11.5 तासांचा प्लेबॅक टाइम मिळू शकतो. इयरबड्स 1.5 तासात चार्ज होतात तर चार्जिंग केस चार्ज होण्यास 2 तासांचा वेळ लागतो.
यात IPX4 सुरक्षा देण्यात आली आहे, त्यामुळे हे पाणी व घामापासून सुरक्षित राहतात. या इयरबड्समध्ये हॅन्ड्स-फ्री कॉलिंग, कॉल स्विच आणि वॉइस असिस्टेंस असे फीचर्स देण्यात आले आहेत. यातील टच कंट्रोल फीचर वापरून वॉल्यूम, ट्रॅक, कॉल्स आणि वॉइस असिस्टंट अ‍ॅक्टिव्हेट करता येतात. कॉलिंगसाठी दोन्ही इयरबडमध्ये वेगवेगळे माइक देण्यात आले आहेत.
