4000 रुपयांपेक्षा कमी किंमतीत Nokia 225 4G Feature Phone लाँच; देणार का JioPhone ला आव्हान
By सिद्धेश जाधव | Published: October 22, 2021 05:04 PM2021-10-22T17:04:38+5:302021-10-22T17:05:18+5:30
Nokia 4G Feature Phone India Price Specification: Nokia 225 4G Payment Edition मधील वन-की पेमेंट अ‍ॅक्शन या फोनची खासियत आहे. त्यामुळे पेमेंट करताना किचकट स्टेप्स कराव्या लागत नाहीत.
4000 रुपयांपेक्षा कमी किंमतीत Nokia 225 4G Feature Phone लाँच; देणार का JioPhone ला आव्हान
Next गेल्याच आठवड्यात नोकियाने आपला नवीन फिचरफोन Nokia 6310 जागतिक बाजारात सादर केला आहे. हा फोन वीस वर्षानंतर पुन्हा नव्या रूपात सादर करण्यात आला आहे. आता पुन्हा एकदा कंपनीने आपला Feature Phone चा पोर्टफोलियो वाढवत Nokia 225 4G Payment Edition लाँच केला आहे. हा फोन याआधी सादर झालेल्या Nokia 225 4G चा अपग्रेडेड व्हर्जन आहे.
Nokia 225 4G Payment Edition मधील वन-की पेमेंट अ‍ॅक्शन या फोनची खासियत आहे. त्यामुळे पेमेंट करताना किचकट स्टेप्स कराव्या लागत नाहीत. हा 4जी फीचर फोन चीनमध्ये 349 युआनमध्ये लाँच करण्यात आला आहे. जे सुमारे 4,000 भारतीय रुपयांमध्ये रूपांतरित होतात. लाँच ऑफर अंतर्गत हा फोन 309 युआन म्हणजे सुमारे 3,600 रुपयांमध्ये विकत घेता येईल.
स्पेसिफिकेशन्स
Nokia 225 4G Payment Edition मध्ये कंपनीने पॉलीकार्बोनेटचा वापर बॉडी बनवण्यासाठी केला आहे. इतर फिचर फोनप्रमाणे यात देखील टी9 न्यूमरिक कीपॅड मिळतो. त्याचबरोबर 2.4 इंचाचा क्यूवीजीए एलसीडी डिस्प्ले देण्यात आला आहे. हा फोन 1गीगाहर्ट्ज क्लॉक स्पीड असलेल्या UNISOC प्रोसेसरवर चालतो. फोनमध्ये 32 जीबी मायक्रोएसडी कार्डचा वापर मेमरी एक्सपान्शनसाठी करता येईल.
Nokia 225 4G Payment Edition हा एक ड्युअल 4जी वोएलटीई कनेक्टिविटी असलेला फोन आहे. त्यामुळे इंटरनेट ब्राउजिंगसह एचडी वोएलटीई व्हॉइस कॉलिंग देखील करता येईल. या फोनमध्ये 3 मेगापिक्सलचा रियर कॅमेरा देण्यात आला आहे. फ्लॅशलाईटसह हा फोन क्विक डायलिंग, व्हॉइस रेकॉर्डर आणि एक्सटर्नल रेडिओ असे फिचर मिळतात. external radio जैसे फीचर्स आहे.