6000mAh च्या अवाढव्य बॅटरीसह Nokia C30 भारतात लाँच; शाओमी-रियलमीला देणार का टक्कर?
By सिद्धेश जाधव | Published: October 21, 2021 03:37 PM2021-10-21T15:37:25+5:302021-10-21T15:37:42+5:30
Nokia New Phone 2021 Nokia C30 Price in India: नोकियाने जागतिक बाजारात सादर केलेला Nokia C30 आता भारतात आणला आहे. या फोनमध्ये 6000mAh Battery, 13MP camera आणि 3GB RAM देण्यात आला आहे.
6000mAh च्या अवाढव्य बॅटरीसह Nokia C30 भारतात लाँच; शाओमी-रियलमीला देणार का टक्कर?
Next नोकियाने भारतात आपला नवीन Nokia C30 लाँच केला आहे. जागतिक बाजारात लाँच झाल्यानंतर बजेट सेगमेंटमधील हा फोन कंपनीने जियोसोबत मिळून सादर केला आहे. या फोनमध्ये 6000mAh ची बॅटरी आणि 3GB रॅम मिळतो. चला जाणून घेऊया या Nokia C30 चे स्पेक्स, फीचर्स, किंमत आणि त्यासोबत मिळणाऱ्या ऑफर्स.
Nokia C30 Price In India And Offers
नोकियाने या फोनचे दोन व्हेरिएंट देशात आणले आहेत. यातील 3GB RAM आणि 32GB स्टोरेज असलेल्या छोट्या व्हेरिएंटची किंमत 10,999 रुपये आहे. तर 4GB RAM आणि 64GB स्टोरेज ऑप्शनसाठी 11,999 रुपये मोजावे लागतील. या स्मार्टफोनच्या खरेदीवर Jio Exclusive ऑफर अंतर्गत 1000 रुपयांपर्यंतचा डिस्काउंट मिळेल.तसेच 249 रुपयांचा रिचार्ज करणाऱ्या जियो ग्राहकांना 4000 रुपये पर्यंतचे फायदे मिळतील.
Nokia C30 स्पेसिफिकेशन्स
नोकिया सी30 स्मार्टफोन कंपनीने 6.82-इंचाच्या एचडी+ एलसीडी डिस्प्लेसह सादर केला आहे. हा ‘वी’ नॉच असलेला डिस्प्ले 20:9 अस्पेक्ट रेशियो आणि 1600 x 720 पिक्सल रिजोल्यूशनला सपोर्ट करतो. Nokia C30 स्मार्टफोन 1.6गीगाहर्ट्ज क्लॉक स्पीड असलेल्या आक्टाकोर प्रोसेसरसह Unisoc SC9863A आणि Android 11 (Go edition) वर चालतो.
या स्मार्टफोनमध्ये कंपनीने 3GB पर्यंत रॅम आणि 64GB पर्यंतची स्टोरेज दिली आहे. ही स्टोरेज मेमरी कार्डने 256 जीबी पर्यंत वाढवता येईल. Nokia C30 मधील ड्युअल रियर कॅमेरा सेटअपमध्ये एलईडी फ्लॅशसह 13 मेगापिक्सलचा मुख्य सेन्सर आणि 2 मेगापिक्सलचा डेप्थ सेन्सर मिळतो. तसेच हा फोन 5 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी या नोकिया स्मार्टफोनमध्ये 6,000एमएएचची मोठी बॅटरी देण्यात आली आहे.