रेडमी-रियलमीला धक्का! 5050mAh च्या तगड्या बॅटरीसह Nokia G21 येतोय भारतात
By सिद्धेश जाधव | Published: April 25, 2022 12:40 PM2022-04-25T12:40:43+5:302022-04-25T12:40:46+5:30
Nokia G21 स्मार्टफोनच्या भारतीय लाँचची तारीख ऑनलाईन लीक झाली आहे. हा फोन 50MP कॅमेरा, 4GB RAM, 5050mAh बॅटरी आणि Android 11 सह बाजरात येऊ शकतो.
रेडमी-रियलमीला धक्का! 5050mAh च्या तगड्या बॅटरीसह Nokia G21 येतोय भारतात
Next एचएमडी ग्लोबल आपल्या नोकिया ब्रँड अंतर्गत नवीन स्मार्टफोन भारतात सादर करू शकते. युरोपियन बाजारात उपलब्ध असलेल्या Nokia G21 स्मार्टफोनच्या भारतीय लाँचची माहिती लीक झाली आहे. त्यानुसार हा फोन 50MP कॅमेरा, 4GB RAM, 5050mAh बॅटरी आणि Android 11 सह 26 एप्रिलला देशात लाँच केला जाईल.
तारीख
टिप्सटर अभिषेक यादवनं दिलेल्या माहितीनुसार, Nokia G21 भारतात 26 एप्रिलला म्हणजे उद्या लाँच होईल. विशेष म्हणजे कंपनीच्या ट्विटर हॅन्डलवरून देखील ही तारीख याआधी टीज करण्यात आली होती. युरोपमध्ये Nokia G21 ची किंमत 170 युरो (जवळपास 14,560 रुपये) पासून सुरु होते. भारतात हा हँडसेट यापेक्षा स्वस्तात येईल अशी अपेक्षा आहे.
Nokia G21 चे स्पेसिफिकेशन्स
Nokia G21 स्मार्टफोनमध्ये 6.5-इंचाचा एचडी+ एलसीडी डिस्प्ले देण्यात आला आहे. हा डिस्प्ले 90Hz रिफ्रेश रेटला सपोर्ट करतो. यात Unisoc T606 प्रोसेसरची पावर देण्यात आली आहे, सोबत ग्राफिक्ससाठी Mali G75-MP1 जीपीयू मिळतो. या स्मार्टफोनमध्ये 4GB रॅम मिळतो, त्याचबरोबर 64GB आणि 128GB चे दोन स्टोरेज ऑप्शन आहेत. ही स्टोरेज मायक्रोएसडी कार्डनं वाढवता येते.
फोटोग्राफीसाठी फोनमध्ये ट्रिपल रियर कॅमेरा सेटअप देण्यात आला आहे. ज्यात एलईडी फ्लॅशसह 50-मेगापिक्सलचा प्रायमरी कॅमेरा, 2-मेगापिक्सलची मॅक्रो लेन्स आणि 2-मेगापिक्सलचा डेप्थ सेन्सर देण्यात आला आहे. नोकियाचा स्मार्टफोनमध्ये Android 11 वर चालतो. यात 5,050mAh ची बॅटरी 18W फास्ट चार्जसह देण्यात आली आहे. ही बॅटरी सिंगल चार्जवर तीन दिवसांचा बॅटरी बॅकअप देते, असा दावा कंपनीनं केला आहे.