लाँचपूर्वीच Nokia G50 5G ची किंमत लीक; जाणून घ्या नोकियाच्या 5G फोनचे स्पेसिफिकेशन्स  

Nokia G50 5G Price: फोटोग्राफीसाठी Nokia G50 5G फोनमध्ये ट्रिपल रियर कॅमेरा सेटअप मिळू शकतो. यातील मुख्य कॅमेरा 48 मेगापिक्सलचा असेल.

Nokia G50 5G स्मार्टफोन जागतिक बाजारात सादर केला जाऊ शकतो. हा कंपनीच्या ‘जी’ सीरिजमधील पहिला 5G फोन आहे. याआधी काही लिक्स आणि रिपोर्ट्समधून या नोकिया फोनची डिजाईन व स्पेसिफिकेशन्स लीक झाले आहेत. आता Nokia G50 5G स्मार्टफोनच्या संभावित किंमतीची माहिती समोर आली आहे. समोर आलेल्या लिक्सनुसार हा फोन जागतिक बाजारात 259/269 यूरो (जवळपास 22,500 रुपये) मध्ये सादर केला जाऊ शकतो.  

Nokia G50 चे स्पेसिफिकेशन 

Nokia G50 मध्ये Android 11 OS असेल. तसेच यात 6.82 इंचाचा एचडी+ आयपीएस डिस्प्ले मिळू शकतो. या डिस्प्लेचे रिजोल्युशन 720 x 1640 पिक्सल असेल. तसेच Nokia G50 5G स्मार्टफोनमध्ये स्नॅपड्रॅगन 490 प्रोसेसर दिला जाऊ शकतो.  कनेक्टिव्हिटीसाठी या फोनमध्ये वाय-फाय 5, ब्लूटूथ 5.0, एनएफसी, एक यूएसबी-सी पोर्ट आणि एक 3.5 मिमी ऑडियो जॅक दिला जाऊ शकतो.  

फोटोग्राफीसाठी Nokia G50 5G फोनमध्ये ट्रिपल रियर कॅमेरा सेटअप मिळू शकतो. यातील मुख्य कॅमेरा 48 मेगापिक्सलचा असेल. या फोनमध्ये फ्रंटला 8 मेगापिक्सलचा सेल्फी कॅमेरा मिळेल. तसेच या फोनमध्ये पावर बॅकअपसाठी 4,850 एमएएचची बॅटरी देण्यात येईल.   

याआधी आलेल्या रिपोर्ट्सनुसार, Nokia G50 हा स्मार्टफोन जी सीरिजमधील पहिला 5G स्मार्टफोन असेल. या फोनमध्ये 4 जीबी पर्यंत रॅम आणि 128 जीबी पर्यंतची स्टोरेज देण्यात येईल. इंस्टाग्राम पोस्टनुसार हा फोन ब्लू आणि मिडनाइट सन रंगात सादर केला जाईल. Nokia G50 मध्ये वॉटरड्रॉप नॉच आणि वर्तुळाकार रियर कॅमेरा मॉड्यूल मिळेल.