जबरदस्त! आता Nokia'चा 'हा' स्मार्टफोन पाण्यातही चालणार, कॅमेरा अन् बॅटरीही मजबूत

Nokia XR21 जागतिक स्तरावर लॉन्च करण्यात आला आहे.

मोबाईल फोन जगतात नोकिया कंपनीने एकेकाळी मोठी उलाढाल केली होती, गेल्या काही महिन्यांपासून स्मार्टफोन जगतात Nokia पाठिमागे पडल्याचे दिसत होते. पण, आता पुन्हा एकदा Nokia कंपनीने स्मार्टफोन जगतात मोठं पाऊलं ठेवलं आहे. आता नवे मॉडेल्स कंपनीने बाजारात लाँच केले आहेत. कंपनीने HMD Global ने Nokia XR21 नावाचा शक्तिशाली स्मार्टफोन जागतिक बाजारपेठेत सादर केला आहे. हा नवीन फोन क्वालकॉम स्नॅपड्रॅगन 695 चिपसेटद्वारे समर्थित आहे आणि यात 64MP प्राथमिक कॅमेरा आहे.

Apple'ची चालाखी पडली भारी! १६३ अब्ज रुपयांचा खटला दाखल, नेमकं प्रकरण काय?

याशिवाय, या फोनला IP69K रेटिंग आहे, ज्यामुळे फोन धूळ, उच्च तापमान आणि पाण्यात सुरक्षित होतो. हा एक मजबूत फोन आहे, जो इनडोअर आणि आउटडोअरसाठी सर्वोत्तम भागीदार बनू शकतो, असा कंपनीने दावा केला आहे. हे लक्षात घेण्यासारखे आहे की स्मार्टफोन आधी नोकिया XR30 म्हणून रिलीज होण्याची अपेक्षा होती. हे Nokia XR21 म्हणून लाँच केले आहे. 

Nokia XR21 जर्मनीमध्ये EUR 599 याची अंदाजे किंमक ५४,२१६ रुपयांमध्ये उपलब्ध होऊ शकतो. आणि UK मध्ये GBP 499 (अंदाजे रु. ५१,२६७) मध्ये एकमेव 6GB + 128GB मॉडेलसाठी उपलब्ध असेल. सर्व-नवीन Nokia XR21 सध्या जर्मनी आणि निवडक बाजारपेठांमध्ये उपलब्ध आहे. ते जूनपासून यूकेमध्ये उपलब्ध होईल. हा स्मार्टफोन पाइन ग्रीन आणि मिडनाईट ब्लॅक या दोन रंगांच्या पर्यायांमध्ये लाँच करण्यात आला आहे.

नोकिया XR21 

डिस्प्ले: 120Hz च्या रिफ्रेश रेटसह 6.49-इंचाचा FHD+ 20:9 डिस्प्ले आणि तब्बल 550 nits ब्राइटनेस आहे.
मागील कॅमेरा: LED फ्लॅशसह 64MP रिअर कॅमेरा आणि 8MP अल्ट्रा-वाइड कॅमेरा.
फ्रंट कॅमेरा: 16MP सेल्फी कॅमेरा.
चिपसेट: Qualcomm Snapdragon 695 हा चिपसेट आहे जो Adreno 619L GPU सह येतो.
स्टोरेज: 6GB RAM आणि 128GB अंतर्गत स्टोरेज आहे.
बॅटरी: 4800mAh बॅटरी आहे जी 33W फास्ट चार्जिंग सपोर्टसह प्रदान केली गेली आहे.
OS: Android 12.
IP रेटिंग: IP68/IP69K.
कनेक्टिव्हिटी: 3.5 मिमी ऑडिओ जॅक, साइड-माउंट फिंगरप्रिंट सेन्सर, यूएसबी टाइप-सी, ब्लूटूथ 5.1, स्टिरिओ स्पीकर आणि बरेच काही आहे.