OnePlus फॅन्ससाठी बॅड न्यूज! भारतातील 3 मॉडेल्स होणार बंद, यावर्षी लाँच झालेल्या वनप्लसचाही समावेश  

OnePlus भारतात लवकरच आपल्या काही स्मार्टफोन मॉडेल्सची विक्री बंद करणार आहे. यासाठी कंपनीनं जुन्या मॉडेल्सवर डिस्काउंट देखील देण्यास सुरुवात केली आहे.  

OnePlus भारतीय बाजारात लवकरच OnePlus 9RT लाँच करणार आहे. तसेच कंपनीची OnePlus 10 सीरिज देखील पुढील महिन्यात जागतिक बाजारात उतरणार आहे. या नव्या सीरिजमधील स्मार्टफोन्ससाठी जागा करण्यासाठी कंपनी आपले काही जुने मॉडेल्स बंद करू शकते. विशेष म्हणजे यात वर्षीच आलेल्या OnePlus 9 Series चा देखील समावेश आहे.  

बंद होणारे OnePlus फोन्स  

टिपस्टर Yogesh Brar नुसार, OnePlus 9RT भारतीय बाजारात दाखल होताच OnePlus 9, OnePlus 9R आणि OnePlus 8T एक्झिट घेतील. अर्थात वनप्लसचा नवीन फोन आल्यानंतर कंपनीचे हे सर्व हँडसेट भारतीय बाजारात खरेदी करता येणार नाहीत. या जुन्या स्मार्टफोन्सवर कंपनी सध्या खूप डिस्काउंट देत आहे, त्यामुळे योगेशच्या बातमी खरी ठरू शकते.  

कंपनी OnePlus 9 आणि OnePlus 9R वर तगडा डिस्काउंट देत आहे. OnePlus 8T देखील कमी किंमतीत उपलब्ध झाला आहे. परंतु अजूनही OnePlus 9RT भारतात कधी लाँच केला जाईल, याची माहिती मात्र कंपनीनं दिली नाही.  

OnePlus 9RT चे स्पेसिफिकेशन्स   

OnePlus 9RT मध्ये 6.62-चाचा फुल एचडी+ E4 अ‍ॅमोलेड डिस्प्ले देण्यात आला आहे. हा डिस्प्ले 1080 x 2400 पिक्सल रिजोल्यूशन, 1300 निट्स पीक ब्राईटनेस, 120Hz रिफ्रेश रेट आणि 1300Hz टच सॅम्पलिंग रेटला सपोर्ट करतो. या फोनमध्ये कंपनीने क्वॉलकॉमच्या स्नॅपड्रॅगन 888 प्रोसेसरची पॉवर दिली आहे. त्याचबरोबर 12GB पर्यंतचा लेटेस्ट LPDDR5 RAM आणि 256GB पर्यंतची वेगवान UFS 3.1 स्टोरेज मिळते. विशेष म्हणजे हा फोन OxygenOS ऐवजी अँड्रॉइड 11 आधारित Oppo च्या ColorOS वर चालतो.     

फोटोग्राफीसाठी या फोनमध्ये ट्रिपल कॅमेरा सेटअप मिळतो. ज्यात 50 मेगापिक्सलचा Sony IMX766 प्रायमरी सेन्सर देण्यात आला आहे. त्याचबरोबर 16MP चा अल्ट्रावाईड अँगल सेन्सर आणि 2MP चा मॅक्रो सेन्सर मिळतो. सेल्फी आणि व्हिडीओ कॉलिंगसाठी यात 16MP चा Sony IMX471 सेल्फी शुटर देण्यात आला आहे. OnePlus 9RT मधील 4,500mAh ची ड्युअल-सेल बॅटरी 65W Warp Charge टेक्नॉलॉजीला सपोर्ट करते. 

हे देखील वाचा:

WhatsApp वर ग्रुप न बनवता 256 लोकांना एकसाथ द्या New Year च्या शुभेच्छा, वापरा सिक्रेट फिचर

सुपरफास्ट चार्जिंग, मोठी बॅटरी; आतापर्यंतचा सर्वात दमदार फोन असेल आगामी वनप्लस