Oneplus 9 RT नव्हे तर OnePlus RT येणार भारतात? Amazon India ची जाहिरात आली समोर
By सिद्धेश जाधव | Published: November 24, 2021 12:48 PM2021-11-24T12:48:40+5:302021-11-24T12:49:21+5:30
Oneplus 9 RT Price In India: Oneplus 9 RT नव्या नावासह भारतात येणार असं दिसतंय. हा फोन OnePlus RT नावानं भारतीय बाजारात पदार्पण करू शकतो.
Oneplus 9 RT नव्हे तर OnePlus RT येणार भारतात? Amazon India ची जाहिरात आली समोर
Next Oneplus 9 RT Price In India: OnePlus 9 RT भारतात नव्या नावानं सादर करण्यात येईल असं काही दिवसांपूर्वी सांगण्यात आलं होतं. यासाठी Google Play Console लिस्टिंगचा आधार घेण्यात आला होता. या लिस्टिंगमध्ये हा फोन OnePlus RT या नावानं लिस्ट करण्यात आला होता. आता पुन्हा एकदा हे नाव अ‍ॅमेझॉन इंडियाच्या जाहिरातीतून समोर आलं आहे.
Oneplus 9 RT/OnePlus RT India Launch
91Mobiles ने Google सर्च रिजल्टमधील Amazon India ची एक जाहिरात दाखवली आहे, ज्यात OnePlus RT चा उल्लेख आहे. टिपस्टर मुकुल शर्माने ट्विटरवरून या जाहिरातीचा स्क्रीनशॉट शेयर केला आहे. आता ही चूक आहे कि अ‍ॅमेझॉन लोकांच्या स्पेलिंग मिस्टेकसाठी केलेली तयारी हे वनप्लसचा आगामी फोन भारतात आल्या नंतरच समजेल.
OnePlus 9RT चे स्पेसिफिकेशन्स
OnePlus 9RT मध्ये 6.62-इंचाचा फुल एचडी+ E4 अ‍ॅमोलेड डिस्प्ले देण्यात आला आहे. हा डिस्प्ले 1080 x 2400 पिक्सल रिजोल्यूशन, 1300 निट्स पीक ब्राईटनेस, 120Hz रिफ्रेश रेट आणि 1300Hz टच सॅम्पलिंग रेटला सपोर्ट करतो. या फोनमध्ये कंपनीने क्वॉलकॉमच्या स्नॅपड्रॅगन 888 प्रोसेसरची पॉवर दिली आहे. त्याचबरोबर 12GB पर्यंतचा लेटेस्ट LPDDR5 RAM आणि 256GB पर्यंतची वेगवान UFS 3.1 स्टोरेज मिळते. विशेष म्हणजे हा फोन OxygenOS ऐवजी अँड्रॉइड 11 आधारित Oppo च्या ColorOS वर चालतो.
फोटोग्राफीसाठी या फोनमध्ये ट्रिपल कॅमेरा सेटअप मिळतो. ज्यात 50 मेगापिक्सलचा Sony IMX766 प्रायमरी सेन्सर देण्यात आला आहे. त्याचबरोबर 16MP चा अल्ट्रावाईड अँगल सेन्सर आणि 2MP चा मॅक्रो सेन्सर मिळतो. सेल्फी आणि व्हिडीओ कॉलिंगसाठी यात 16MP चा Sony IMX471 सेल्फी शुटर आहे. OnePlus 9RT मधील 4,500mAh ची ड्युअल-सेल बॅटरी 65W Warp Charge टेक्नॉलॉजीला सपोर्ट करते.