वनप्लसच्या स्वस्त स्मार्टफोनचा लूक झाला लीक; 50MP कॅमेऱ्यासह येऊ शकतो OnePlus Nord 2
By सिद्धेश जाधव | Published: June 29, 2021 01:03 PM2021-06-29T13:03:35+5:302021-06-29T13:04:55+5:30
OnePlus Nord 2 Specs: OnePlus Nord 2 चे रेंडर्स लीक झाले आहेत, या फोनमध्ये 4,500mAh ची बॅटरी दिली जाऊ शकते.
सौजन्य: 91mobiles & Onleaks
प्रीमियम स्मार्टफोन लाँच करणारी कंपनी वनप्लस लवकरच मिड रेंजमध्ये OnePlus Nord 2 लाँच करणार आहे. आता या आगामी स्मार्टफोनचे रेंडर्स ऑनलाईन लीक झाले आहेत. या लीकमधून समजले आहे कि या स्मार्टफोनमध्ये ट्रिपल रियर कॅमेरा असेल. प्रसिद्ध टिप्सटर @OnLeaks आणि 91mobiles यांनी मिळून हे रेंडर्स सोमवारी शेयर केले आहेत.
OnLeaks आणि 91Mobiles यांनी शेयर केलेल्या रेंडर्समध्ये समजले आहे कि फोनमध्ये होल पंच डिस्प्ले असेल. या डिस्प्लेच्या फ्रंटला डावीकडे हा पंचहोल देण्यात येईल. या फोन मध्ये स्लिम बेजल्स असतील तसेच चीन पार्ट देखील स्लिम दिसत आहे. फोनच्या डावीकडे वॉल्यूम रॉकर आणि उजवीकडे पावर बटण आणि अलर्ट स्लाईडर देण्यात येईल.
OnePlus Nord 2 च्या लीक रेंडर्सनुसार, फोनच्या मागे ट्रिपल कॅमेरा सेटअप मिळू शकतो. हा आयताकृती कॅमेरा मॉड्यूल डाव्या बाजूला असेल. फोनच्या तळाला एक यूएसबी टाइप-सी पोर्ट आणि बॉटमला एक स्पिकर ग्रिल आहे.
OnePlus Nord 2 चे संभाव्य स्पेसिफिकेशन्स
याआधी आलेल्या वनप्लस नॉर्ड 2 संबंधित लिक्सनुसार, Nord 2 मध्ये Dimensity 1200 चिपसेट आणि 12GB पर्यंत रॅम मिळेल. या फोन मध्ये 6.43-इंचाचा Full HD+ AMOLED डिस्प्ले असेल, हा डिस्प्ले 90hz रिफ्रेश रेट आणि इन-डिस्प्ले फिंगरप्रिंट सेन्सरला सपोर्ट करू शकतो. वनप्लसच्या या फोनमध्ये MediaTek Dimensity 1200 प्रोसेसर आणि 8GB RAM असेल.
OnePlus Nord 2 मध्ये ट्रिपल रियर कॅमेरा सेटअप मिळण्याची शक्यता आहे. यात मेन कॅमेरा 50MP चा असू शकतो. सोबत 8MP आणि 2MP चा अजून दोन सेन्सर असतील. फोनमध्ये 32MP चा सेल्फी कॅमेरा मिळू शकतो. OnePlus Nord 2 मध्ये 4500mAh ची बॅटरी असू शकते, ही बॅटरी 30W किंवा 65W फास्ट चार्जिंगला सपोर्ट करेल. वनप्लस नॉर्ड 2 ची किंमत 22500 रुपये असू शकते, अशी माहिती लीकमधून समोर आली आहे.
