रेडमीचा बाजार उठवण्याची तयारी शेवटच्या टप्प्यात; OnePlus नं उचलला विडा  

ओप्पो, विवो, रियलमी, सॅमसंग आणि अन्य काही छोट्या ब्रँड्सकडून रेडमीला चांगलीच टक्कर मिळते. परंतु आता त्यात आता फ्लॅगशिप किलर आणि दमदार स्मार्टफोन सादर करणाऱ्या OnePlus ची भर पडणार आहे.

शाओमी आपले स्वस्त स्मार्टफोन रेडमी ब्रँड अंतर्गत सादर करते. या ब्रँडला ओप्पो, विवो, रियलमी, सॅमसंग आणि अन्य काही छोट्या ब्रँड्सकडून चांगलीच टक्कर मिळते. परंतु आता त्यात आता फ्लॅगशिप किलर आणि दमदार स्मार्टफोन सादर करणाऱ्या OnePlus ची भर पडणार आहे. एकेकाळी फक्त प्रीमियम आणि निवडक स्मार्टफोन सादर करणारी कंपनी आता बजेट सेगमेंटमध्ये देखील उतरणार आहे.  

भारतीय बाजारात विस्तार करण्याच्या योजने अंतर्गत वनप्लस लोवर मिडबजेटमध्ये आपला नवीन स्मार्टफोन सादर करणार आहे. आता OnePlus कंपनी येत्या 28 एप्रिलला भारतात OnePlus Nord CE 2 Lite 5G नावाचा नवीन फोन सादर करू शकते. कंपनीच्या आगामी इव्हेंटमधून येणाऱ्या डिवाइसची अधिकृत माहिती मिळाली नाही. परंतु मीडिया रिपोर्ट्सनुसार, या महिन्याच्या अखेरीस स्वस्त OnePlus Nord CE 2 Lite 5G फोन आणि OnePlus Nord Buds भारतीयांच्या भेटीला येऊ शकतात.  

OnePlus Nord CE 2 Lite चे संभाव्य स्पेसिफिकेशन  

वनप्लस नॉर्ड सीई 2 लाईट 6.59-इंचाच्या फुल एचडी+ एलसीडी 90Hz रिफ्रेश रेट डिस्प्लेसह सादर केला जाईल. यात ऑक्टाकोर क्वालकॉम स्नॅपड्रॅगन 695 5G चिपसेटचा वापर केला जाईल. सोबत 8GB पर्यंत रॅम आणि 256GB पर्यंत इंटरनल स्टोरेज मिळेल. यात अँड्रॉइड आधारित ऑक्सिजन ओएस मिळू शकतो. 

फोटोग्राफीसाठी ट्रिपल रियर कॅमेरा सेटअप मिळेल. ज्यात 64MP प्रायमरी सेन्सर, 2MP चा मॅक्रो कॅमेरा आणि 2MP चा मोनो सेन्सर असेल. डिवाइसच्या फ्रंटला 16MP चा सेल्फी शुटर असेल. हँडसेट मध्ये 5000mAh ची बॅटरी मिळेल, जी 33W फास्ट चार्ज टेक्नॉलॉजीला सपोर्ट करेल.