iPhone सारख्या डिझाइन्ससह येणार OnePlus Nord N20 5G; परवडणाऱ्या किंमतीत होऊ शकतो लाँच
By सिद्धेश जाधव | Published: November 16, 2021 05:14 PM2021-11-16T17:14:33+5:302021-11-16T17:15:31+5:30
OnePlus Nord N20 5G Phone Design: OnePlus Nord N20 5G Phone आयफोन सारखी बॉक्सी डिजाईनसह सादर केला जाईल. त्याचबरोबर फ्लॅट डिस्प्ले, पंच होल कटआउट आणि ट्रिपल रियर कॅमेरा सेटअप देण्यात येईल.
(सौजन्य: 91mobiles आणि Onleaks)
Next OnePlus लवकरच आपला अजून एक नवीन स्वस्त 5G Phone सादर करणार आहे. हा फोन OnePlus Nord N20 5G नावाने लाँच केला जाईल. हा गेल्यावर्षी लाँच झालेल्या मिड रेंज Nord N10 ची जागा घेईल. लाँच होण्याआधीच 91mobiles आणि टिपस्टर OnLeaks या आगामी स्मार्टफोनचे रेंडर आणि स्पेसिफिकेशन्स शेयर केले आहेत. रेंडर्सनुसार OnePlus Nord N20 5G आयफोन सारखी बॉक्सी डिजाईनसह सादर केला जाईल. त्याचबरोबर फ्लॅट डिस्प्ले, पंच होल कटआउट आणि ट्रिपल रियर कॅमेरा सेटअप देण्यात येईल.
OnePlus Nord N20 ची डिजाइन
रिपोर्ट्सनुसार OnePlus Nord N20 5G मध्ये पंच होल डिस्प्ले देण्यात येईल. ही एक अँड्रॉइड स्मार्टफोनमधील डिजाईन असली तरी या फोनमध्ये iPhone 12 आणि iPhone 13 सारखा फ्लॅट डिस्प्ले मिळेल. फोनच्या तळाला यूएसबी टाईप-सी, स्पीकर ग्रील आणि 3.5mm ऑडिओ जॅक दिसत आहे. उजवीकडे पॉवर बटन तर डावीकडे वॉल्यूम बटन आणि SIM कार्ड ट्रे दिसत आहे. बॅक पॅनलवर LED फ्लॅशसह ट्रिपल रियर कॅमेरा सेटअप देण्यात देण्यात आला आहे.
OnePlus Nord N20 चे स्पेसिफिकेशन्स
मिळालेल्या माहितीनुसार, OnePlus Nord N20 स्मार्टफोनमध्ये 6.43-इंचाचा AMOLED डिस्प्ले दिला जाऊ शकतो. या वनप्लस फोनला ऑक्टा-कोर Snapdragon 695 5G SoC ची ताकद देण्यात येईल. फोनच्या मागे 48MP चा प्रायमरी कॅमेरा, 2MP मॅक्रो कॅमेरा सेन्सर आणि 2MP चा थर्ड सेन्सर मिळेल. फोनमध्ये 16MP चा सेल्फी कॅमेरा मिळेल. सिक्योरिटीसाठी या डिवाइसमध्ये इन-डिस्प्ले फिंगरप्रिंट सेन्सर मिळेल. रेंडर्समध्ये या फोनचा आकार 159.8 x 73.1 x 7.7mm असा असू शकतो.